ادھم پور میں منشیات فروش گرفتار | ہیروئن جیسا مواد بر آمد

ادھم پور//جموں وکشمیر پولیس نے ضلع ادھم پور میں ایک منشیات فروش کو گرفتار کرکے اس کی تحویل سے ممنوعہ مواد بر آمد کیا ہے۔ایک پولیس ترجمان نے اپنے ایک بیان میں کہا کہ پولیس سٹیشن ادھم پور کی ایک ٹیم نے معمول کی گشت کے دوران ایک مشکوک شخص کو روکا جس نے پولیس کو دیکھ کر بھاگ جانے کی کوشش کی۔انہوں نے کہا کہ تلاشی کے دوران اس کی تحویل سے 6.95گرام ہیرائن جیسا مواد بر آمد کیا گیا جس کے بعد اس کی موقع پر ہی گرفتاری عمل میں لائی گئی۔گرفتار شدہ کی شناخت عامر خان عرف مدو ولد میر قاسم ساکن سالین تالاب ادھم پور کے طور پر کی گئی ہے۔پولیس ترجمان نے بتایا کہ اس ضمن میں پولیس سٹیشن ادھم پور میں این ڈی پی ایس کی متعلقہ دفعات کے تحت ایک کیس درج کرکے مزید تحقیقات شروع کی گئی ہے۔