اب کرکٹ میں نہیں نظر آئے گا چھکوں اورچوکوںکا طوفان ، بلے میں ہوگی یہ تبدیلی

ملبورن؍ برطانیہ میں آباد ایک ہند سرجن نے کرکٹ کے بلے کے ڈیزائن پر ریسرچ کیا جس کا مقصد گیند اور بلے کے درمیان توازن بنانا تھا اور اب اس کو سال رواں یکم اکتوبر سے یہ استعمال میں لیا جائے گا۔آرتھوپیڈی سرجن چنی گپتے نے لندن کے امپیرل کالج کی اس ٹیم کی قیادت کی ، جو کرکٹ کے بلوںپر ریسرچ کر رہی تھی۔ملبورن کرکٹ کلب اس نئی ریسرچ کے نتیجہ پر عمل کرنے جا رہا ہے۔ گپتے نے بتایا کہ گزشتہ 30 سالوں میں کرکٹ میں چھکوں کی تعداد بڑھ گئی ہے، بلوں کے ڈیزائن ہی اس طرح کے ہیں کہ گیند کی بجائے بلے کا دبدبہ ہے۔ یہ نیا ڈیزائن توازن لے کر آئے گا۔نئے ضابطے کے تحت بلے کے کنارے کی موٹائی 40 ملی میٹر سے کم ہو گی اور اس کی کل گہرائی 67 ملی میٹر سے زیادہ نہیں ہو سکتی۔ پونے میں پیدا ہوئے گپتے مہاراشٹر کے کرکٹر مدھوکر شنکر کے بیٹے ہیں اور پیشہ ور کرکٹر ہیں ، جو مڈل سییس اور گلوسیسٹر کے لئے کھیل چکے ہیں۔