ابوظہبی/پاکستان اور سری لنکا کے درمیان ابوظہبی میں کھیلے جانے والی سیریز کے پہلے ٹیسٹ میچ کے دوسرے دن آخری سیشن میں پاکستان نے اپنی پہلی اننگز کا آغاز کیا ہے۔پاکستان کی جانب سے شان مسعود اور سمیع اسلم نے اننگز کا آغاز کیا ہے اور اس نے بغیر کسی نقصان کے 64 رنز بنائے ہیں۔اس سے قبل سری لنکا کی پوری ٹیم 419 رنز بنا کر آو¿ٹ ہوگئی تھی۔لکمل سات، سداکان آٹھ اور پردیپ بغیر کوئی رن بنائے آو¿ٹ ہوئے جبکہ کپتان چندی مل 155 رنز کے ساتھ ناٹ آو¿ٹ رہے۔سری لنکا کی چھٹی وکٹ 387 کے مجموعی سکور پر گری جب دلروان پریرا 33 رنز بنا کر حارث سہیل کی گیند پر ایل بی ڈبلیو آو¿ٹ ہوئے۔ انھوں نے چندی مل کے ساتھ مل کر سکور میں 92 رنز کا اضافہ کیا۔ہیراتھ چار رنز بنا کر یاسر شاہ کی تیسری وکٹ بنے۔اس سے قبل چندی مل اور وکٹ کیپر بیٹسمین ڈک ویلا کے درمیان 134 رنز کی عمدہ شراکت ہوئی جس نے میچ کا رخ سری لنکا کے حق میں موڑ دیا۔ڈک ویلا نے 83 رنز بنائے اور انھیں حسن علی نے بولڈ کیا۔ کھانے کے وقفے پر سری لنکا کا سکور پانچ وکٹوں کے نقصان پر 311 رنز تھا اور اس کے پانچ کھلاڑی آو¿ٹ ہوئے تھے۔پاکستان کی طرف سے یاسر شاہ اور محمد عباس نے تین، تین، حسن علی نے دو اور حارث سہیل نے ایک وکٹ حاصل کی، جب کہ سری لنکا کے اوپنر کرونارتنے رن آو¿ٹ ہوئے تھے۔گذشتہ روز میچ کے پہلے روز پاکستانی لیگ سپنر یاسر شاہ سب سے کم ٹیسٹ میچوں میں 150 وکٹیں حاصل کرنے والے سپنر بن گئے تھے۔پاکستان اور سری لنکا کے درمیان ابوظہبی میں کھیلا جانے والا ٹیسٹ میچ یاسر شاہ کا 27 واں ٹیسٹ ہے جس میں انھوں نے اپنے ٹیسٹ کریئر کی 150ویں وکٹ تھری مانے کو ایل بی ڈبلیو کر کے حاصل کی۔اس سے قبل کسی سپنر کا سب سے کم ٹیسٹ میچ کھیل کر 150 وکٹیں مکمل کرنے کا ریکارڈ آسٹریلیا کے کلیری گریمیٹ کے پاس تھا جنھوں نے 28 ٹیسٹ میچوں میں یہ اعزاز حاصل کیا تھا۔
ابوظہبی ٹیسٹ: سری لنکانے 419 رنز کا پہاڑ بنایا، پاکستانی اننگز کا آغاز
