عظمیٰ نیوز ڈیسک
چندھی گڑھ//معروف کامیڈین منپریت سنگھ نے آرینز کالج راج پورہ چندی گڑھ کے زیر اہتمام دو پروگراموں میں سامعین کو مسحور کیا۔ اس تقریب کا اہتمام آرینس گروپ اور ڈسٹرکٹ کلچر اینڈ ہیریٹیج سوسائٹی سری مکتسر صاحب نے کیا تھا۔ کامیڈین منپریت سنگھ عرف دی کامک سنگھ کی پرفارمنس سے سینکڑوں لوگ اور طلبا محظوظ ہوئے۔تقریب کی نظامت راجیش ترپاٹھی ، ڈپٹی کمشنر، راج کمار گرگ، ڈسٹرکٹ اینڈ سیشن جج؛ گرپریت سنگھ تھند ایڈیشنل ڈپٹی کمشنر، بلجیت کور، سب ڈویژنل مجسٹریٹ منویر سنگھ، سپرانٹنڈنٹ آف پولیس، پونیت شرما،چیف منسٹرز فیلڈ آفیسر، راجندر سونی، ڈپٹی ایجوکیشن آفیسر، سری مکتسر صاحب اور چیئرمین آرینز گروپ آف کالجز ڈاکٹر انشو کٹاریہ مہمان خصوصی تھے۔آرینز گروپ آف کالجز نے دو مقامات پر لگاتار دو ایونٹس منعقد کیے جن میں آڈیٹوریم، ڈی اے وی پبلک اسکول، کوٹکپورہ روڈ اینڈ آڈیٹوریم، ریڈ کراس سوسائٹی، گرو گوبند سنگھ پارک کے قریب، سری مکتسر صاحب شامل ہیں۔ڈی سی سری مکتسر صاحب نے خطاب کرتے ہوئے کہا کہ ہنسی ہماری اعصابی، جسمانی، جذباتی، علمی اور سماجی صحت اور تندرستی میں کئی طریقوں سے مدد کرتی ہے۔ انہوں نے یہ بھی بتایا کہ وہ ماضی میں آرینس گروپ آف کالجز کا دورہ کر چکے ہیں اور طلبا سے بات چیت کر چکے ہیں۔ ڈاکٹر انشو کٹاریہ نے کہا کہ وہ سری مکتسر صاحب سے بہت جڑے ہوئے ہیں کیونکہ وہ یہاں پیدا ہوئے اور پلے بڑھے۔ انہوں نے ذکر کیا کہ آرینس گروپ آف کالجز یہاں اس طرح کی سرگرمیاں باقاعدگی سے منعقد کرتا رہتا ہے اور ضرورت مند اور مستحق طلبا کے لیے اسکالرشپ میلے کا بھی اہتمام کرتا ہے ۔
