محمد تسکین
بانہال // ادہمپور کے تھارڈ پل کے قریب سڑک کے دھنسنے کے تازہ واقع کیوجہ سے جموں سرینگر قومی شاہراہ پر ٹریفک کی آمد و رفت بند ہے اور ہفتے کے روز عارضی بنائی گئی سڑک کے اوپری سے بحال کی گئی مسافر اور ضروری اشیاء لدھی گاڑیوں کو نکالنے کے بعد علاقے تازہ بارشوں اور پسیوں کے سلسلے نے شاہراہ کو پھر سے بند کر دیا ہے ۔
ٹریفک حکام نے بتایا کہ ادہمپور کے تھارڈ پل اور بلی نالہ کے درمیان رات کے اوقات میں تقریباً 50 سے 60 میٹر کا حصہ پھر دھنس گیا ہے جس کی وجہ سے ڈاؤن ٹیوب ( کشمیر سے جموں جانے والی سڑک ) مکمل طور سے بند ہوگئی ہے۔ انہوں نے کہا کہ گاڑیوں کو نکالنے کیلئے سڑک کا عارضی ریمپ بھی دھنس گیا یے اور اوپر سے ڈھلوان پہاڑی بھی سڑک کیطرف دھنس رہی ہے۔
اور سڑک کے دونوں ٹیوب ٹریفک کیلئے بند کئے گئے ہیں۔
انتظامیہ نے عوام اور مسافروں سے اپیل کی ہے کہ وہ جموں سرینگر قومی شاہراہ پر سفر سے فی الحال گریز کریں اور شاہراہ کی بحالی کے بعد ہی اپنے سفر کا ارادہ کریں۔
