سرینگر //جموں و کشمیر میں6دنوں کے بعد کورونا وائرس متاثر ین کی تعداد دوبارہ 20سے زیادہ ہوگئی ہے۔ پچھلے 24گھنٹوں کے دوران کورونا وائرس کی تشخیص کیلئے 33ہزار 177ٹیسٹ کئے گئے جن میں 25مسافروں سمیت مزید 27افراد کی رپورٹیں مثبت آئی ہیں۔ اس سے قبل 13مارچ کو جموں و کشمیر میں کورونا متاثرین کی تعداد 26تھی۔ متاثرین کی مجموعی تعداد 4لاکھ 53ہزار 550ہوگئی ہے۔ اس دوران جموں و کشمیر میں 7ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 4750بنی ہوئی ہے۔ محکمہ صحت کی جانب سے اتوار کو فراہم کئے گئے اعداد و شمار کے مطابق جموں و کشمیر میں کورونا وائرس سے 27افراد متاثر ہوئے ہیںجن میں جموں میں 4جبکہ کشمیر میں 23افراد متاثر ہوئے ہیں۔ کشمیر صوبے کے بڈگام، اننت ناگ ، کولگام، شوپیان، بانڈی پورہ، گاندربل اور کپوارہ میں کسی کی رپورٹ مثبت نہیں آئی ہے جبکہ دیگر 3اضلاع میں 23افراد کو مثبت قرار دیا گیا ہے۔ مثبت قرار دئے گئے 23افراد میں 22بیرون ریاستوں سے سفر کرکے وادی پہنچے جبکہ مزید ایک شخص مقامی سطح پر رابطے میں آنے کی وجہ سے متاثر ہوئے ہیں۔ کشمیر میں متاثر ہونے والے افراد میں سب سے زیادہ 20افراد سرینگر ، 2بارہمولہ اور ایک پلوامہ میں متاثر ہوا ہے۔ کشمیر میں متاثرین کی مجموعی تعداد 2لاکھ 87ہزار 329ہوگئی ہے۔ اس دوران وادی میں 23ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2423بنی ہوئی ہے۔ جموں صوبے کے ادھمپور، راجوری، پونچھ، سانبہ، رام بن ، کشتواڑ، ریاسی ، ڈوڈہ، اور کٹھوعہ میں کسی کی رپورٹ مثبت نہیں آئی ہے جبکہ جموں ضلع میں 4افراد کو مثبت قرار دیا گیا ہے۔ جموں ضلع میں مثبت قرار دئے گئے 4افراد میں 3بیرون ریاستوں سے سفر کرکے جموں پہنچے جبکہ ایک شخص مقامی سطح پر رابطے میں آنے کی وجہ سے متاثر ہوا ہے۔ جموں صوبے میں متاثرین کی مجموعی تعداد 1لاکھ 66ہزار 221ہوگئی ہے۔ اس دوران جموں صوبے میں 7ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2327بنی ہوئی ہے۔
۔6دن بعد تعداد 25سے زیادہ،25مسافر شامل
