یو این آئی
غزہ// گزشتہ 72 گھنٹوں کے دوران پانچ لاکھ سے زیادہ بے گھر فلسطینی شہری غزہ واپس آئے ہیں۔حماس کے میڈیا آفس نے کہا کہ ‘‘گزشتہ 72 گھنٹوں میں پانچ لاکھ سے زیادہ بے گھر فلسطینی جنوبی اور وسطی صوبوں سے الرشید اور صلاح الدین سڑکوں کے ذریعے غزہ اور شمالی صوبوں میں واپس آئے ہیں۔ یہ فیصلہ پیر کو اسرائیل کی جانب سے حماس کے ساتھ جنگ بندی کے معاہدے کے تحت فلسطینی شہریوں کو غزہ کے شمالی حصے میں واپس آنے کی اجازت کے بعد سامنے آیا ہے ۔ اس جنگ بندی نے 15 ماہ سے جاری تنازع کا خاتمہ کر دیا۔ادھراردن نے ساحلی علاقے میں امداد پہنچانے کی کوششوں کے تحت بدھ کو غزہ کے لیے مزید 16 امدادی ہیلی کاپٹر بھیجے ۔سرکاری خبر رساں ایجنسی پیٹرا نے بتایا کہ اردن ہاشمائٹ چیریٹی آرگنائزیشن کی طرف سے اور کئی دیگر ممالک کے تعاون سے بھیجے گئے ہیلی کاپٹروں نے 20 ٹن انسانی امداد پہنچائی۔اردن غزہ کو امداد پہنچانے کے اپنے طریقوں کو متنوع بنا رہا ہے ، جس میں فوری اور خراب ہونے والے سامان، خاص طور پر طبی علاج اور صحت کی دیکھ ریکھ کی ضروری اشیاء کی نقل و حمل میں تیزی لانے کے لیے فوجی ہیلی کاپٹروں کا استعمال شامل ہے ۔ایجنسی نے کہا کہ انسانی امداد کی فراہمی آٹھ دن تک جاری رہے گی، روزانہ 16 پروازیں چلائی جائیں گی۔
