پرویز احمد
سرینگر //جموں و کشمیر میں 46 دنوں کے بعد کورونا وائرس متاثرین کی تعداد 100سے کم ہوگئی ہے۔ پچھلے 24گھنٹوں کے دوران کورونا وائرس کی تشخیص کیلئے 5ہزار 594ٹیسٹ کئے گئے جن میں 57افراد کی رپورٹیں مثبت آئی ہیں۔ اس سے قبل 12جولائی کو جموں و کشمیر میں 71افراد کی رپورٹیں مثبت آئی تھی۔ متاثرین کی مجموعی تعداد 4لاکھ 77ہزار 513ہوگئی ہے۔ اس دوران جموں و کشمیر میں مسلسل تیسرے دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 4782بنی ہوئی ہے۔ محکمہ صحت کی جانب سے فراہم کئے گئے اعداد و شمار کے مطابق جموں و کشمیر کے 10اضلاع میں پیر کو 57افراد کی رپورٹیں مثبت آئی ہیں جبکہ دیگر 10اضلاع میں کسی کی رپورٹ مثبت نہیں آئی ہے۔ مثبت قرار دئے گئے 57افراد میں جموں صوبے میں 11جبکہ کشمیر میں 46افراد کو مثبت قرار دیا گیا ہے۔
کشمیر صوبے کے 3اضلاع اننت ناگ، گاندربل اور شوپیان میں کسی کی رپورٹ مثبت نہیں آئی ہے جبکہ دیگر 7اضلاع میں 46افراد کو مثبت قرار دیا گیا ہے۔ کشمیر صوبے کے 46متاثرین میں سرینگر میں 14، بارہمولہ میں16، بڈگام میں 5، پلوامہ میں 5، کپوارہ میں 2، بانڈی پورہ میں 2 جبکہ کولگام میں 2افراد کی رپورٹیں مثبت آئی ہیں۔ کشمیر صوبے میں متاثرین کی مجموعی تعداد 3لاکھ 3ہزار 889ہوگئی ہے۔ اس دوران وادی میں مسلسل 14ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2432بنی ہوئی ہے۔ جموں صوبے کے 7اضلاع جن میں ڈوڈہ، کٹھوعہ، سانبہ، کشتواڑ، پونچھ، رام بن اور ریاسی میں کسی کی رپورٹ مثبت نہیں آئی ہے جبکہ دیگر 3اضلاع میں 11افراد کو مثبت قرار دیا گیا ہے جو سبھی مقامی سطح پر رابطے میں آنے کی وجہ سے متاثر ہوئے ہیں۔ جموں صوبے میں متاثر ہونے والے 11افراد میں جموں میں 9، ادھمپور میں1جبکہ راجوری میں ایک کی رپورٹ مثبت آئی ہے۔ جموں صوبے میں متاثرین کی مجموعی تعداد 1لاکھ 73ہزار 624ہوگئی ہے۔ اس دوران جموں صوبے میں مسلسل تیسرے دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2350بنی ہوئی ہے۔
ملک میں 7,591 مثبت،30 اموات
نئی دہلی// مرکزی وزارت صحت کے تازہ ترین اعداد و شمار کے مطابق، ایک دن میں 7,591 نئے کورونا وائرس کیسزکے ساتھ، ہندوستان میں کل تعداد بڑھ کر 4,44,15,723 ہو گئی، جب کہ فعال کیسز کم ہو کر 84,931 ہو گئے۔30 نئی اموات کے ساتھ مرنے والوں کی تعداد 5,27,799 تک پہنچ گئی۔ ملک گیر ویکسینیشن مہم کے تحت اب تک ملک میں کووڈ ویکسین کی 211.91 کروڑ خوراکیں دی جا چکی ہیں۔
