عظمیٰ نیوزڈیسک
نئی دہلی// وزیر اعظم نریندر مودی نے جمعہ کو کہا کہ ماہانہ ریڈیو نشریات ‘من کی بات’ 28 جولائی کو نشر ہونے جا رہی ہے۔ جس کے لیے لوگوں سے تجاویز طلب کی گئیں۔ اس کے پیش نظر بہت سے لوگوں نے اپنی تجاویز شیئر کی ہیں جو کہ بالکل نئی اور منفرد ہیں۔اس کے ساتھ ہی وزیر اعظم نریندر مودی نے ان لوگوں کا شکریہ ادا کیا جنہوں نے ‘من کی بات’ کے لیے تجاویز شیئر کیں۔ پی ایم نے مزید کہا کہ انہوں نے ان لوگوں پر زور دیا ہے جنہوں نے ابھی تک MyGov یا NaMo ایپ پر اپنے خیالات کا اشتراک نہیں کیا ہے وہ بھی اپنے خیالات کا اشتراک کریں۔ایکس پر، وزیر اعظم مودی نے کہا کہ مجھے اس ماہ کی ‘من کی بات’ کے لیے بہت سارے مشورے مل رہے ہیں، جو اتوار 28 تاریخ کو منعقد ہوگا۔ یہ دیکھ کر خوشی ہوتی ہے کہ خاص طور پر بہت سے نوجوان ہمارے معاشرے کو بدلنے کے لیے کی جانے والی اجتماعی کوششوں کو اجاگر کر رہے ہیں۔زیادہ سے زیادہ لوگوں کو اپنی تجاویز دینے کی ترغیب دیتے ہوئے وزیر اعظم مودی نے کہا کہ آپ My GOV، NaMo ایپ پر تجاویز شیئر کر سکتے ہیں یا 1800-11-7800 پر اپنا پیغام ریکا رڈ کر سکتے ہیں۔ آپ کو بتاتے چلیں کہ ‘من کی بات’ وزیر اعظم مودی کا ماہانہ ریڈیو خطاب ہے، جس میں وہ قومی اہمیت کے معاملات پر بات کرتے ہیں۔30 جون کو منعقد ‘من کی بات’ میں وزیر اعظم نے لوگوں سے ‘ایک پیڑ ماں کے نام’ مہم کے تحت درخت لگانے کی اپیل کی تھی۔ اپنے خطاب میں پی ایم مودی نے کہا کہ اگر میں آپ سے پوچھوں کہ دنیا کا سب سے قیمتی رشتہ کون سا ہے تو آپ ضرور کہیں گے – ‘ماں’۔ ہم سب کی زندگی میں ‘ماں’ کا مقام سب سے زیادہ ہے۔ ماں ہر دکھ سہنے کے بعد بھی اپنے بچے کا خیال رکھتی ہے۔ ہر ماں اپنے بچے پر پیار کی بارش کرتی ہے۔ ہماری پیدائشی ماں کی یہ محبت ہم سب پر ایک قرض کی طرح ہے جسے کوئی نہیں چکا سکتا۔پی ایم مودی نے مزید کہا کہ ‘میں نے اپنے تمام ہم وطنوں، دنیا کے تمام ممالک کے لوگوں سے اپیل کی ہے کہ وہ اپنی ماں کے ساتھ یا ان کے نام پر ایک درخت لگائیں، اور مجھے یہ دیکھ کر بہت خوشی ہوئی ہے کہ ان کی یاد میں ماں کی شان میں درخت لگانے کی مہم تیزی سے جاری ہے۔
یوروپی کمیشن کی چیئرپرسن ارسلا کو دوبارہ منتخب ہونے پر مبارکباد
نئی دہلی/یواین آئی/ وزیر اعظم نریندر مودی نے جمعہ کو یورپی کمیشن (ای سی) کی صدر ارسولا وان ڈیر لیین کو ان کے عہدے پر دوبارہ منتخب ہونے پر مبارکباد دی۔ مودی نے کہا کہ وہ ہندوستان اور یوروپی یونین (ای یو) کے درمیان اسٹریٹجک شراکت داری کو مضبوط بنانے کے لئے ان کے ساتھ مل کر کام کرنے کے منتظر ہیں۔ مودی نے ٹویٹر پر پوسٹ کیاکہ “وانڈر، آپ کو ای یو چیئرمین کے طور پر دوبارہ منتخب کیے جانے پر مبارک باد۔یورپی پارلیمنٹ نے محترمہ لینی کو دوسری پانچ سالہ مدت کے لیے یورپی کمیشن کی صدر کے طور پر دوبارہ منتخب کر لیا ہے۔ جمعرات کو اسٹراسبرگ میں یورپی پارلیمنٹ کے 720 ارکان میں سے 401 نے ان کی امیدواری کی حمایت کی۔ انہیں ضرورت سے 41 ووٹ زیادہ ملے۔وسطی دائیں بازو کی یورپی پیپلز پارٹی (ای پی پی) سے تعلق رکھنے والی جرمن سیاست دان مس لیین دسمبر 2019 سے یورپی کمیشن کی صدر ہیں۔
