بلال فرقانی
سرینگر// جموں کشمیر انتظامی سروس کے14 افسران کے تبادلے اور تقرریاں عمل میں لائی گئی ہیں۔ سرکاری حکم نامہ میں کہا گیا ہے کہ عمومی انتظامی محکمہ میں اپنی تقرری کے منتظر قاضی مسعود کو رول سینی ٹیشن کشمیرمیں بطورڈپٹی ڈائریکٹر تعینات کیا گیا جبکہ ڈپٹی ڈائریکٹر رورل سینی ٹیشن کشمیر سید ندیم اقبال اندربی کو تبدیل کرکے محکمہ صنعت و حرفت میں ڈپٹی سیکریٹری تعینات کیا گیا۔محکمہ صحت و طبی تعلیم کے انڈر سیکریٹری جاوید احمد ملک کو تبدیل کرکے جموں کشمیر سروس سلیکشن بورڈ میں انتظامی افسر تعینات کیا گیا جبکہ پیشہ ورانہ داخلی امتحانات بورڈ(بوپی) کے انڈر سیکریٹری سوربھی رینہ کو تبدیل کرکے جموں کشمیر سروس سلیکشن بورڈ کا انڈر سیکریٹری تعینات کیا گیا۔ حکم نامہ کے مطابق جموں کشمیر سروس سلیکشن بورڈ کے انتظامی افسر ممتا راجپوت کو تبدیل کرکے ضلع سوشیل ویلفیئر افسر جموں تعینات کیا گیا جبکہ اسسٹنٹ ڈائریکٹر ایمپلائمنٹ جموں(سینٹرل) انیل کمار کو سروس سلیکشن بورڈ میں انڈر سیکریٹری تعینات کیا گیا۔
سی ڈی پی ائو بلاور پلکیت دتہ کو تبدیل کرکے سروس سلیکشن بورڈ میں انڈر سیکریٹری کے عہدے پر فائز کیا گیا جبکہ بلاک ڈیولپمنٹ افسر بانڈی پورہ عبدالرقب بٹ کو تبدیل کرکے سروس سلیکشن بورڈ میں انڈر سیکریٹری کے طور پر تعینات کیا گیا۔ سروس سلکشن بورڈ میں تعینات انڈر سیکریٹری کاشف الطاف بٹ کو تبدیل کرکے محکمہ شہری ترقی و مکانات میں انڈر سیکریٹری کا قلمدان سونپا گیا ،جبکہ بلاک ڈیولپمنٹ افسر دھنسال سعدیہ احمد کو تبدیل کرکے سروس سلیکشن بورڈ میں انتظامی افسر تعینات کیا گیا۔ سروس سلیکشن بورڈ کے انڈر سیکریٹری ہرجندر سنگھ کا تبادلہ عمل میں لایا گیا اور انہیں محکمہ فروغ ہنر میں انڈر سیکریٹری کا عہدہ دیا گیا جبکہ سروس سلیکشن بورڈ کے انتظامی افسر الطاف حسین بٹ کو تبدیل کرکے محکمہ آثار قدیمہ و عجائب کے ڈائریکٹوریٹ میں انتظامی افسر تعینات کیا گیا۔سروس سلیکشن بورڈ کے انڈر سیکریٹری بھیشن داس کو تبدیل کرکے محکمہ دیہی ترقی وپنچایتی راج میں انڈر سیکریٹری بنایا گیا جبکہ سروس سلیکشن بورڈ کے انڈر سیکریٹری رافیہ نبی اب محکمہ سماجی بہبود میں اندر سیکریٹری ہونگی۔اس دوران جموں کشمیر انتظامی سروس کے30افسران کو سلیکشن گریڈ میں شامل کیا گیا۔
محکمہ انتظامی عمومی کے ایڈیشنل سیکریٹری وکاس ورما کی جانب سے منگل کو جاری حکم نامہ کے مطابق جموں کشمیر انتظامی سروس کے جونیئر افسراں کو سلیکشن گریڈ(غیر معال) میں تنخواہ سکیل10Aمیں شامل کرنے کو منظوری دی گئی۔ آرڈر کے مطابق ان افسراں میں طارق احمد ریشی،مختار احمد، گلشن کمار ، سوربھ شرما، سندیپ دوبھے، روی شنکر، کیول کرشن شرما، دلجیت سنگھ،پونیکا،روپالی وید،سورج چندر سنگھ،ساحل بگواتر، شاہینہ سہانی،گوروگپتا، ستیش کمار رینہ ، وریندر کمار،سندیپ کمار،محمد نسیم،امبیکا بالی،دیپالی کنہ،کاشف الطاف بٹ، عادل اقبال لون،محمد ارشد، رامپال،مہندر پال،ترنکاش بھوشن،ریاضہ خاتون،سمیرہ شفیع،جاوید رحمان حجام اور انظار احمد رانا شامل ہیں۔
