اشفاق سعید
سرینگر//کووڈ-19کے معاملات میں کمی کے درمیان اسکولوں میں آف لائن کلاسز کے دوبارہ شروع ہونے کے ساتھ ہی، بورڈ آف اسکول ایجوکیشن (BOSE) نے 10-12ویں کلاس کے سالانہ بورڈ امتحانات میں طلباء کو دی گئی نرمی واپس لے لی ہے۔ گزشتہ دو سالوں سے جب تعلیمی اداروں کو طویل بندش کا سامنا تھا، کووِڈ-19 وبائی مرض کے دوران امتحانات میں شرکت کے لیے طلبہ کو یہ رعایت دی گئی تھی۔جے اینڈ کے بورڈ آف اسکول ایجوکیشن کے ڈائریکٹر اکیڈمکس ڈاکٹر فاروق احمد پیر کے ذریعہ جاری کردہ ایک نوٹیفکیشن میں کہا گیا ہے کہ مختلف بورڈ امتحانات میں بیٹھنے کے لیے کووڈ-19 کی وجہ سے طلباء کو دی جانے والی رعایتیں واپس لے لی گئی ہیں۔بورڈ نے طلباء کو مطلع کیا ہے کہ اب سے تمام امتحانات امتحان بغیر کسی بھی قسم کی نرمی کے اصل اسکیم کے مطابق ہوں گے۔بورڈ نے گزشتہ سال سالانہ امتحانات میں 10ویں، 11ویں اور 12ویں جماعت کے کشمیر صوبہ ،جموں صوبہ کے سرمائی زون میں طلباء کو 30نمبرات دینے کا فیصلہ کیا تھا۔
۔10ویں سے 12ویں تک امتحانات میں دی گئی نرمی واپس
