یو این آئی
نئی دہلی//لوک سبھا میں اپوزیشن لیڈر اور کانگریس کے سابق صدر راہل گاندھی نے کہا ہے کہ ہندوستان میں لوگوں کے پاس ہنر ہے لیکن انہیں اس کی عزت نہیں ملتی امریکہ کے دورے کے دوران یونیورسٹی آف ٹیکساس میں طلبا سے بات کرتے ہوئے مسٹر گاندھی نے کہا، بہت سے لوگ کہتے ہیں کہ ہندوستان میں مہارت کا مسئلہ ہے۔ ہندوستان میں ہنر کی کوئی کمی نہیں ہے۔ مجھے نہیں لگتا کہ ہندوستان میں ہنر کے حوالے سے کوئی مسئلہ ہے لیکن ہنر کے احترام کے حوالے سے مسئلہ ضرور ہے۔ ہندوستان ان لوگوں کا احترام نہیں کرتا جن کے پاس ہنر ہے۔انہوں نے کہا کہ امریکی کاروباری تعلیمی نظام آزادانہ طور پر چلتا ہے لیکن ہندوستانی تعلیمی نظام اب تک کاروباری نظام سے جڑا ہی نہیں۔ ہمارا تعلیمی نظام ہندوستانی معاشرے میں روایتی طور پر رائج مہارت کے ڈھانچے سے گہرا تعلق نہیں رکھتا ہے۔ میرا ماننا ہے کہ ہندوستانی تعلیمی نظام میں موجود اس خلا کو پر کرنے یا پیشہ ورانہ تربیت کے ذریعے ہنر اور تعلیم کو جوڑنے کی ضرورت ہے۔ گاندھی نے آر ایس ایس پر بھی حملہ کیا اور کہا، “اب ہندوستانی تعلیمی نظام ایک خاص نظریہ سے گہرائی سے جڑ گیا ہیاور ہندوستانی نظام تعلیم کے ذریعہ آر ایس ایس کے نظریے کو فروغ دیا جارہا ہے۔ آج ہماری یونیورسٹیوں کے زیادہ تر وائس چانسلرز کی تقرری آر ایس ایس کی طرف سے کی جاتی ہے، جو زندگی، تاریخ اور مستقبل پرایک خاص نقطہ نظر رکھنے والی ایک تنظیم ہے۔ یہ درست نہیں ہے۔
