ہند،پاک سمیت چار ملکوں کے ٹورنامنٹ کی تجویز کو ملی دیگر ممالک کی حمایت

 لاہور// رمیز راجہ کی چہار رخی ٹی20کے انعقاد کی تجویز کو آئی سی سی میٹنگ میں ان کی پریزنٹیشن سے قبل کچھ غیر مخصوص حمایت ملی ہے۔ پی سی بی کے چیئرمین رمیز راجہ آئی سی سی کے سامنے آسٹریلیا، انگلینڈ، پاکستان اور ہندوستان کے درمیان  ایک سالانہ چہار رخی  ٹورنامنٹ کے انعقاد کی  تجویز  پیش کرنے والے  ہیں۔ اس ٹورنامنٹ کے انعقاد کے پیچھے رمیز کی دلیل یہ ہے کہ اس سے تمام ممبران کے لیے آمدنی کے مواقع پیدا ہوں گے۔ اگرچہ  یہ مخصوص منصوبہ حقیقت بننے کا امکان نہیں ہے۔ کم از کم اپنی  موجودہ حالت میں تو نہیں، جس کی وجہ سے ہندوستان اور پاکستان کو باقاعدگی سے کھیلنے اور آٹھ مکمل ارکان کو باہر کرنے کی ضرورت ہوگی۔ ایسا لگتا ہے کہ اس سے اس خیال کی زیادہ حمایت  کے لئے حوصلہ افزائی کی گئی  کہ ممبران اپنے چہار رخی ٹورنامنٹس کا اہتمام کر سکیں۔اس وقت تین سے زیادہ قومی ٹیموں کے ساتھ کسی بھی ٹورنامنٹ کو آئی سی سی ایونٹ تصور کیا جاتا ہے۔ اس کا مطلب  یہ ہوتا ہے کہ یہ آئی سی سی کے ذریعہ چلائی جاتی ہے اور تجارتی طور پر یہ ایک آئی سی سی ایونٹ  ہوتا ہے۔ اس سے حاصل ہونے والی آمدنی کو بھی ٹورنامنٹ میں حصہ لینے والی ٹیموں میں تقسیم کیا جاتا ہے۔ رمیز راجہ کا ایک چہار رخی  ٹورنامنٹ منعقد کرنے کا منصوبہ بھی یہی بات بتاتا ہے کہ  آئی سی سی کے ذریعہ ایونٹ کا کنٹرول  کیا جاتا ہے۔ جمعہ کو دبئی میں چیف ایگزیکٹیو کمیٹی (سی ای سی) کی میٹنگ میں، مختلف بورڈز کے سی ای اوز نے اس خیال کی وکالت کی کہ ممبران اپنے چہار رخی انعقاد کا  اہتمام کرنے کے اہل ہوسکیں۔میٹنگ میں پیش رفت سے واقف دو عہدیداروں کے مطابق، کئی بورڈز نے اس خیال کی حمایت کی۔ اگرچہ اس خیال پر تمام اراکین متفقہ طور پر متفق نہیں تھے، لیکن انگلینڈ (ای سی بی)، آسٹریلیا (سی اے)، ویسٹ انڈیز (سی ڈبلیو آئی) اور پاکستان (پی سی بی) کے کرکٹ بورڈ اس کے حق میں تھے۔ ایک اہلکار کے مطابق، ای سی بی کے سی ای او ٹام ہیریسن نے میٹنگ میں اس خیال کا اظہار کیا تھا۔ اگرچہ   ہیریسن کا خیال رمیز کے منصوبے سے براہ راست منسلک نہیں تھا۔ لیکن پی سی بی کے ایک عہدیدار نے اسے  اپنی فتح قرار دیا کیونکہ اس سے ظاہر ہوتا ہے کہ بورڈ کے دیگر اراکین بھی ایک چہار رخی  ٹورنامنٹ کا تصور کر رہے ہیں۔ تاہم چیف ایگزیکٹو کمیٹی کی میٹنگ میں بی سی سی آئی کا موقف ابھی واضح نہیں ہے۔ لیکن ایسے اشارے ملے ہیں کہ بی سی سی آئی نے بھی براہ راست چہار رخی  ٹورنامنٹ کی مخالفت نہیں کی۔ بی سی سی آئی کے صدر سورو گنگولی بھی دسمبر 2019 میں چار ملکوں کی سیریز کی تجویز دینے والے پہلے شخص تھے۔خیال کس حد تک جاتا ہے اس کا انحصار سی ای سی کے درمیان حمایت کی سطح پر ہے۔ یہ خیال کیا جاتا ہے کہ بورڈ کے سامنے کسی تجویز کو پیش کرنے سے پہلے واضح اکثریت سے اتفاق کرنے کی ضرورت ہوگی اور  ایک بار بورڈ کی سطح پر اتفاق ہو جانے کے بعد  ایونٹ کی منظوری سے متعلق قوانین کو تبدیل کیا جا سکتا ہے۔ چہار رخی ایونٹس کا سوال کسی بھی صورت میں بورڈ میٹنگ میں ہی آئے گا کیونکہ رمیز ہمیشہ وہاں اپنی پریزنٹیشن دینے والے  تھے۔ لیکن وہ پریزینٹیشن اب ایک وسیع بحث میں بدل سکتی ہے۔ (یو این آئی)