گندرپورہ آتشزدگان سے اظہار یکجہتی | دارالخیر میرواعظ منزل کی جانب سے امداد تقسیم

سرینگر//دارالخیر میرواعظ منزل نے گندرپورہ عیدگاہ علاقے میںگزشتہ دنوں آگ کی ایک ہولناک واردات میں نصف درجن رہائشی مکانات اور املاک و جائیداد کے نقصانات پر صدمے کا اظہار کرتے ہوئے متاثرین کے ساتھ یکجہتی کا اظہار کیا ہے اور متاثرین کی باز آبادکاری کی ضرورت پر زور دیا ہے۔دارالخیرکے سرپرست اعلیٰ میرواعظ محمد عمرفاروق کی ہدایت پر ایک وفدنے مفتی غلام رسول سامون کی قیادت میںگندرپورہ عیدگاہ جاکر 6کنبوں میں چاول ، آٹا،کمبل اور کچن کٹ وغیرہ اور بنیادی ضروریات کی چیزیں بطور امداد پیش کیں۔اس موقع پر دارالخیر میرواعظ منزل نے یہ بات پھر دہرائی ہے کہ دارالخیر میرواعظ منزل اپنے قیام سے لیکر آج تک برابر اپنے مخلصین کی مالی اور جنسی معاونت سے برا بر آفات سماوی کے دوران بلا امتیاز مذہب و ملت متاثرین کی حتی المقدور امداد اور بحالی کیلئے اپنی کوششوں میں مصروف عمل ہے۔اس ضمن میں دارالخیر میرواعظ منزل نے اہل ثروت حضرات سے ماضی کی طرح اس ملی ادارے کی ہر ممکن مدد اور معاونت کی اپیل دہرائی ہے تاکہ امدادی کام جاری رکھا جاسکے۔