ایم ایم پرویز
رام بن// دھرم کنڈ پولس نے بدھ کی شام رام بن کے گاندھری جنگلات سے لکڑی کے 17 لاگ چوری کرنے کے الزام میں سوشل فاریسٹری کے محکمہ کے ایک ملازم سمیت دو افراد کو گرفتار کیا۔پولیس نے بتایا کہ اطلاع ملی تھی کہ کچھ نامعلوم افراد غیر قانونی طور پر جنگلاتی علاقوں سے لکڑی کی لکڑیاں لے کر گاندھری کے جنگلات میں کچھ گاڑیوں میں لوڈ کر رہے ہیں۔شکایت پر کارروائی کرتے ہوئے دھرم کنڈ پولس اسٹیشن کی ایک پولس پارٹی موقع پر پہنچی اور دو افراد کو ایک گاڑی (بولیرو پک اپ) زیر رجسٹریشن نمبر JK19A-1755 میں لکڑی لوڈ کرتے ہوئے گرفتار کیا گیا۔پولیس نے ان کی شناخت سوشل فاریسٹری کے ملازم موہن لال اور مشکور احمدساکنان گاندھری رام بن کے رہنے والے کے طور پر کی۔پولیس نے بتایا کہ واردات میں ملوث گاڑی کو بھی قبضے میں لے لیا گیا ہے۔
