کپوارہ//سرحدی قصبہ ترہگام میں لوگو ں نے بلاک ڈیولپمنٹ آفیسر کی عدم موجودگی کے خلاف محکمہ دیہی ترقی کے خلاف زور دار احتجاجی مظاہرے کرتے ہوئے دفتر کو مقفل کیا ہے ۔جمعہ کو لوگو ں کی ایک بڑی تعداد جن میں سر پنچ اور پنج بھی شامل تھے اپنے گھرو ں سے باہر آئے اور ترہگام چوک میں جمع ہوتے ہوئے بلاک ڈیو لپمنٹ آفس پہنچ گئے اور وہا ں بی ڈی او کی عدم موجودگی کے خلاف احتجاج کیا جبکہ ان کے دفتر کو مقفل کیا ۔لوگو ں کا کہنا ہے کہ ترہگام میں گزشتہ6مہینو ں سے بلاک ڈیو لپمنٹ آفیسر کی کرسی خالی پڑی ہے ۔لوگو ں کا مزید کہنا ہے کہ بلاک ڈیو لپمنٹ کی کر سی خالی ہونے کے بعد بی ڈی او قادر آ باد کو ایڈیشنل چارج دیا گیا لیکن وہ بھی نہیں آتے ہیں جس کی وجہ سے ترقیاتی کام بری طر ح متا ثر ہے ۔سرپنجو ں اور پنچو ں کا کہنا ہے کہ وہ ترقیاتی کامو ں کے معاملہ کے حوالہ سے روز بلاک دفتر ترہگام کا چکر کا ٹتے ہیں لیکن آفیسر کی عدم موجود گی کی وجہ سے یہا ں پر کوئی بھی کام نہیں ہو رہا ہے ۔لوگو ں نے الزام لگایا ہے کہ بلاک ڈیولپمنٹ آفیسر کی عدم موجود کے بعد دوسرے بلاک کے بی ڈی او کو ایڈیشنل چارج دیا گیا لیکن وہ بھی نامعلوم وجوہات کی بنا پر نہیں آتے ہیں ۔سر پنجو ں کا کہنا ہے کہ مزکورہ دفتر میں ترقیاتی کامو ں کی لاکھو ں روپیہ کی بلیں التوا میں پڑی ہیں جبکہ نریگاکے تحت کام کر رہے مزدوروں کی یوم اجرت بھی رکی پڑی ہے اور وہ فاقہ کشی کے شکار ہوئے ہیں ۔لوگوں اور سرپنجو ں نے کپوارہ چوکی بل سڑک پر بیٹھ کر محکمہ دیہی ترقی کے خلاف جم کر نعرہ بازی کی اور مطالبہ کیا کہ ترہگام بلاک میں مکمل بلاک ڈیو لپمنٹ آفیسر کو تعینات کیا جائے ۔اس حوالہ سے اسسٹنٹ کمشنر ڈیو لپمنٹ کپوارہ غلام محمد بٹ نے کشمیر عظمیٰ کو بتا یا کہ ضلع میں 26بلاک ہیں اور ان میں اس وقت کل 12بلاک ڈیو لپمنٹ آفیسر موجود ہیں جس کی وجہ سے ایک ایک بی ڈی او کو متعدد بلاکو ں کا ایڈیشنل چارج دیا گیا اور اس طرح ایک بی ڈی اور ایک بلاک میں ایک ہی دن کام کرتا ہے ۔انہو ں نے کہا کہ 14بلاکو ں میں بی ڈی او کی کرسی خالی پڑی ہے جس کے سبب ان بلاکو ں میں تعمیراتی کام متا ثر ہوتا ہے ۔انہو ں نے کہا کہ گو نر انتظامیہ کو فوری طور کپوارہ کے14بلاکو ں میں بی ڈی او کو تعینات کیا جائے ۔انہو ں نے مزید کہا کہ12بلاک ڈیو لپمنٹ آفیسر وں میں 4بی ڈی او ایسے ہیں جو حد متارکہ پر کام کرتے ہیں جن میں بلاک ٹیٹوال ،ٹنگڈار ،مژھل اور کیرن شامل ہیں اور باقی 8میں سے ایک بی ڈی او کو ڈسٹرکٹ پنچایت آفیسر کا چارج دیا گیا ہے اور اس وقت 22بلاکو ں میں 7بی ڈی او کام کرتے ہیں ۔
کپوارہ میں محکمہ دیہی ترقی کا انتظامی ڈھانچہ ٹھپ | 14بلاک افسران سے خالی
