عظمیٰ نیوز سروس
سرینگر //کشمیر سے نئی دہلی تک کوئی براہ راست ٹرین نہیں ہے۔ کٹرہ ریلوے سٹیشن بورڈنگ اور ڈی بورڈنگ کے لیے پوائنٹ کے طور پر کام کرے گا۔ریلوے حکام نے سیکورٹی خدشات کا حوالہ دیتے ہوئے تصدیق کی ہے کہ کٹرہ سٹیشن وہ مقام ہوگا جہاں مسافروں کو ٹرینیں تبدیل کرنے کی ضرورت ہوگی۔ریلوے نے وندے بھارت کی نقاب کشائی کی، جو خاص طور پر جموں کشمیر میں سردیوں کے لیے ڈیزائن کیا گیا ہے، کٹرہ-سری نگر روٹ کے لیے کشمیر سے نئی دہلی تک کوئی سیدھی ٹرین نہیں، کٹرہ ریلوے سٹیشن بورڈنگ اور ڈی بورڈنگ کے لیے پوائنٹ کے طور پر کام کرے گا ۔سرینگر جانے والی یا نئی دہلی سے واپس آنے والی تمام ٹرینیں ٹرانس شپمنٹ کے لیے ویشنو دیوی ریلوے سٹیشن پر رکیں گی۔ای ٹی وی بھارت نے حکام کے حوالے سے بتایا، “ٹرینیں یا تو سرینگر سے آنے والی ہیں یا نئی دہلی واپس آنے والی ٹرینیں جموں کے کٹرہ میں ویشنو دیوی ریلوے سٹیشن پر رکیں گی، جہاں مسافروں کو اپنا سفر مکمل کرنے کے لیے دوسری ٹرین میں سوار ہونا پڑے گا۔”رپورٹ کے مطابق پلیٹ فارم نمبر 1 کشمیر جانے والی ٹرینوں کے لیے مختص کیا گیا ہے۔حکام نے وضاحت کی”جب ٹرین اس پلیٹ فارم پر آئے گی، تو تمام مسافروں کو اتر کر سٹیشن سے باہر نکلنا پڑے گا۔ اس کے بعد انہیں اپنے اگلے سفر کے لیے پلیٹ فارم نمبر 1 پر کھڑی ٹرین میں سوار ہونے سے پہلے ڈیپارچر لانج میں اپنے سامان کو دوبارہ سکین کرنا ہوگا۔ وہی ٹرین مزید منزلوں کے لیے جاری نہیں رہے گی، اور مسافروں کو اگلی ٹرین کا آگے بڑھنے کا انتظار کرنا پڑے گا‘‘۔قابل ذکر بات یہ ہے کہ شمالی ریلوے نے پہلے ہی 31 دسمبر کو کشمیر کے لیے ٹرین خدمات کے لیے ایک ٹائم ٹیبل جاری کیا تھا۔ شیڈول میں بتایا گیا ہے کہ کٹرہ اور سری نگر کے درمیان روزانہ ایک وندے بھارت ایکسپریس اور دو میل ایکسپریس ٹرینیں چلیں گی۔ اگرچہ ریلوے نے ٹرین کے اوقات جاری کئے تھے، لیکن کٹرہ سے دیگر مقامات کے آگے کے سفر کا کوئی ذکر نہیںہے۔شمالی ریلوے کی طرف سے جاری کردہ ٹائم ٹیبل کے مطابق، وندے بھارت ٹرین کٹرہ سے صبح 8:10 بجے روانہ ہوگی اور 11:20 بجے سری نگر پہنچے گی۔ پہلی میل ایکسپریس کٹرہ سے صبح 9:50 پر روانہ ہوگی اور دوپہر 1:10 پر سری نگر پہنچے گی، جبکہ دوسری میل ایکسپریس کٹرہ سے دوپہر 3:00 بجے روانہ ہوگی اور شام 6:20 بجے سری نگر پہنچے گی۔اسی طرح سرینگر سے پہلی میل ایکسپریس صبح 8:45 پر روانہ ہوگی اور دوپہر 12:05 پر کٹرہ پہنچے گی۔ وندے بھارت ایکسپریس دوپہر 12:45 پر روانہ ہوگی اور کٹرہ دوپہر 3:55 پر پہنچے گی، جب کہ دوسری میل ایکسپریس دوپہر 3:05 پر روانہ ہوگی اور 6:30 بجے کٹرہ پہنچے گی۔ادھرکٹرہ اور سرینگر تک چلنے والی وندے بھارت ٹرین کٹرہ سٹیشن پر تیار کھڑی ہے۔ٹرین دو روز قبل یہاں پہنچی ہے جو مکمل طور پر آئر کنڈیشن اور اضافی سہولیات سے لیس ہے۔ شمالی ریلوے نے کٹرہ-بانہال ریلوے سیکشن پر سپیڈ ٹرائل کا کامیابی سے انعقاد کیا۔
وندے بھارت ٹرین کٹرہ پہنچ گئی
عظمیٰ نیوز سروس
سرینگر //کٹرہ اور سرینگر تک چلنے والی وندے بھارت ٹرین کٹرہ سٹیشن پر تیار کھڑی ہے۔ٹرین دو روز قبل یہاں پہنچی ہے جو مکمل طور پر آئر کنڈیشن اور اضافی سہولیات سے لیس ہے۔ شمالی ریلوے نے کٹرہ-بانہال ریلوے سیکشن پر سپیڈ ٹرائل کا کامیابی سے انعقاد کیا۔ ریل لنک جموں و کشمیر کی شکل بدل دے گا کیونکہ سیاح آسانی سے دورہ کر سکیں گے۔یہ ٹرائل، کمشنر آف ریلوے سیفٹی (CRS) کے زیر نگرانی کٹرہ-بانہال ریلوے سیکشن پر کیا گیا، جو ادھم پور-سرینگر-بارہمولہ ریل لنک کا حصہ ہے۔جموں بارہمولہ ریلوے لائن کا جلد افتتاح ہونے کا امکان ہے۔
