کورونا کی رفتار تھم گئی

سرینگر //جموں و کشمیر میں12ماہ سے زائد عرصے کے بعد پہلی مرتبہ روزانہ کورونا وائرس سے متاثر ہونے والے افراد کی تعداد 50سے کم ہوگئی ہے۔ پچھلے 24گھنٹوں کے دوران کورونا وائرس کی تشخیص کیلئے 45ہزار 378ٹیسٹ کئے گئے جن میں 3سفر کرنے والوں سمیت مزید 42افراد کی رپورٹیں مثبت آئی ہیں۔ اس سے قبل 8فروری 2021کو جموں و کشمیر میں صرف 43افراد کو مثبت قرار دیا گیا تھا۔ جموں و کشمیر میں متاثرین کی مجموعی تعداد 4لاکھ 52ہزار 997ہوگئی ہے۔ اس دوران مسلسل 5ویں دن بھی کورونا وائرس سے کسی کی موت نہیں ہوئی ہے۔  22جموں صوبے جبکہ 20افراد کشمیر میں متاثر ہوئے ہیں۔ کشمیر میں متاثر ہونے والے سبھی 20افراد مقامی سطح پر رابطے میں آنے کی وجہ سے متاثر ہوئے ہیں۔ کشمیر کے پلوامہ، اننت ناگ ، گاندربل اور شوپیان میں کسی کی رپورٹ مثبت نہیں آئی ہے جبکہ دیگر 6اضلاع میں 20افراد کی رپورٹیں مثبت آئی ہیں جن میں سرینگر میں 6، بارہمولہ میں 6، بڈگام میں 3، کپوارہ میں 2، بانڈی پورہ میں 1 اور کولگام میں 2افراد کی رپورٹیں مثبت آئی ہیں۔ کشمیر میں متاثرین کی مجموعی تعداد2لاکھ 87ہزار 51ہوگئی ہے۔ اس دوران کشمیر میں مسلسل چھٹے دن بھی کورونا وائرس سے کسی کی جان نہیں گئی۔ متوفین کی مجموعی تعداد 2423بنی ہوئی ہے۔ جموں صوبے میں گذشتہ 24گھنٹوں کے دوران کورونا وائرس سے 22افراد متاثر ہوئے ہیں جن میں 3بیرون ریاستوں سے سفر کرکے جموں پہنچے جبکہ دیگر 19افراد مقامی سطح پر رابطے میں آنے کی وجہ سے متاثر  ہوئے ہیں۔ جموں صوبے کے راجوری، سانبہ، کشتواڑ اور ریاسی میں کسی کی رپورٹ  مثبت نہیں آئی ہے جبکہ دیگر 6اضلاع میں 22افراد کی رپورٹیں مثبت آئی ہیں جن میں ضلع جموں میں 11، ادھمپور میں 2، ڈوڈہ میں3، کٹھوعہ میں 2، پونچھ میں 3 جبکہ رام بن میں ایک کی رپورٹ مثبت آئی ہے۔ جموصوبے میں متاثرین کی مجموعی تعداد 1لاکھ 65ہزار 946ہوگئی ہے۔ اس دوران جموں صوبے میں مسلسل 5ویں دن بھی کورونا وائرس سے کسی کی جان نہیں گئی ہے۔ جموں صوبے میں متوفین کی مجموعی تعداد 2325بنی ہوئی ہے۔