نئی دہلی// ملک میں گذشتہ دو دن سے کورونا وائرس کے انفیکشن کے یومیہ کیسوں میں اضافہ دیکھنے میں آرہا ہے اور کئی دن بعد متاثرہ لوگوں کی تعداد پچھلے 24 گھنٹوں کے دوران صحت یاب ہونے والے افراد سے زیادہ رہی۔
دریں اثنا بدھ کے روز کورونا کے خلاف 33 لاکھ 81 ہزار 671 افراد کوٹیکے لگائے گئے۔ ملک میں اب تک 36 کروڑ 48 لاکھ 47 ہزار 549 افراد کو ٹیکے لگائے جاچکے ہیں۔
جمعرات کی صبح مرکزی وزارت صحت کی جانب سے جاری کردہ اعداد و شمار کے مطابق ، گذشتہ 24 گھنٹوں میں کورونا کے 45892 نئے کیسوں کی آمد کے ساتھ ہی ، متاثرہ افراد کی تعداد بڑھ کر تین کروڑ سات لاکھ نو ہزار 557 ہوگئی ہے۔ اس دوران 44 ہزار 291 مریضوں کی شفا یابی کے بعد اس وبا کو شکست دینے والوں کی کل تعداد دو کروڑ 98 لاکھ 43 ہزار 825 ہوگئی ہے۔ فعال معاملات 784 اضافے سے چار لاکھ 60 ہزار 704 ہوگئے ہیں۔ اسی عرصہ میں 817 مریضوں کی ہلاکت کی وجہ سے اموات کی تعداد چار لاکھ پانچ ہزار 028 ہوگئی ہے۔
ملک میں سرگرم کیسوں کی شرح کم ہوکر 1.50 فیصد ، بحالی کی شرح 97.18 فیصد اور اموات کی شرح 1.32 ہوگئی ہے۔
