پرویز احمد
سرینگر //جموں و کشمیر کے 16اضلاع میں کسی کی رپورٹ مثبت نہیں آئی ہے جبکہ دیگر 4اضلاع میں 8افراد کو مثبت قرار دیا گیا ہے۔متاثرین کی مجموعی تعداد 4لاکھ 54ہزار 21ہوگئی ہے۔ اس دوران جموں و کشمیر میں مسلسل 11دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 4751بنی ہوئی ہے۔ محکمہ صحت کی جانب سے فراہم کئے گئے اعداد و شمار کے مطابق جموں و کشمیر میں بدھ کو کورونا وائرس کی تشخیص کیلئے18ہزار 702ٹیسٹ کئے گئے جن میں2مسافروں سمیت مزید 8افراد کی رپورٹیں مثبت آئی ہیں۔ مثبت قرار دئے گئے 8افراد میں جموں صوبے میں 3جبکہ کشمیر میں5افراد متاثر ہوئے ہیں۔ کشمیر صوبے کے 7اضلاع جن میں بارہمولہ، پلوامہ، کپوارہ، بانڈی پورہ، گاندربل، کولگام اور شوپیان میں کسی کی رپورٹ مثبت نہیں آئی ہے جبکہ دیگر 3اضلاع میں 5افراد کو مثبت قرار دیا گیا ہے۔ کشمیر صوبے میں مثبت قرار دئے گئے سبھی 5افراد مقامی سطح پر رابطے میں آنے کی وجہ سے متاثر ہوئے ہیں جن میں سرینگر میں 2، بڈگام میں 2اور اننت ناگ میں ایک شخص متاثر ہوا ہے۔ متاثرین کی مجموعی تعداد 2لاکھ 86ہزار 693ہوگئی ہے۔کشمیر صوبے میں مسلسل 51ویں دن بھی کورونا وائر س سے کسی کی موت نہیں ہوئی ہے۔ متوفین کی مجموعی تعداد 2423ہوگئی ہے۔ جموں صوبے کے 9اضلاع جن میں ادھمپور، ڈودہ ، پونچھ ، راجوری، کٹھوعہ، کشتواڑ، سانبہ ، رام بن اور ریاسی میں کسی کی رپورٹ مثبت نہیں آئی ہے جبکہ ضلع جموں میں3افراد کو مثبت قرار دیا گیا ہے۔ جموں صوبے میں مثبت قرار دئے گئے 3افراد میں 2بیرون ریاستوں سے سفر کرکے واپس لوٹے جبکہ دیگر ایک شخص مقامی سطح پر رابطے میں آنے کی وجہ سے متاثر ہوئے ہیں۔ جموں صوبے میں متاثرین کی مجموعی تعداد 1لاکھ 66ہزار 328ہوگئی ہے۔ اس دوران جموں صوبے میں مسلسل 11ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2328بنی ہوئی ہے۔
