نیوز ڈیسک
سرینگر //سعودی حکام کا کہنا ہے کہ امسال ایک ریکارڈ تعداد میں غیرملکی عازمین نے عمرہ کی سعادت حاصل کی۔ انہو ں نے کہا کہ رواں اسلامی سال میں تقریباً 50 لاکھ غیر ملکی عازمین نے عمرہ اداکیا۔سعودی وزارت حج اور عمرہ کی جانب سے جاری بیان کے مطابق جولائی 2022 کے آخر میں شروع ہونے والے اسلامی سال کے دوران 48 لاکھ غیرملکی عازمین نے عمرہ کی ادائیگی کی سعادت حاصل کی۔وزارت نے مزید بتایا کہ 43 لاکھ 29 ہزار349 عازمین طیارے کے ذریعے پہنچے۔ زمینی راستے سے 5 لاکھ 7 ہزار 430 بذریعہ سڑک جبکہ 3 ہزار985 سمندری راستے سے عمرے کی ادائیگی کے لیے پہنچے۔مجموعی طور پر ایک کروڑ، 3 لاکھ 51 ہزار731 عازمین کنگ عبدالعزیز ائیرپورٹ سے مدینہ منورہ پہنچے۔ انہوںنے کہا کہ گزشتہ برسوں کے دوران کورونا کے باعث عازمین کی تعداد پر پابندی عائد کرد ی گئی تھی تاہم اس کے بعد جونہی پابندی ہٹائی گئی تو بڑی تعداد میں اس سال عازمین نے عمرہ کی سعادت حاصل کر لی ۔
