ماسکو // عالمی ادارہ صحت (ڈبلیو ایچ او) نے کہا ہے کہ اگر اومیکرون کے بعد کووِڈ کی کوئی بڑی وباء نہیں پھیلتی ہے تو 2022 میں وبائی مرض کا خاتمہ ہو سکتا ہے، تاہم اس کا مطلب یہ نہیں کہ وائرس مکمل طور پر ختم ہو جائے گا۔عالمی ادارہ صحت کے نمائندے، میلیٹا ووجنوچ نے روسی خبر رساں ایجنسی تاس کو انٹرویو دیتے ہوئے کہا کہ"اس وقت پیش گوئی کرنا مشکل ہے لیکن ہم امید کرتے ہیں کہ اگر اور کچھ نہ ہوا تو 2022 میں وبائی مرض ختم ہو سکتا ہے۔انہوں نے کہا کہ"وبائی مرض کے خاتمے کا کیا مطلب ہے؟ اس کا مطلب ہے کہ کوئی بڑی وباء نہیں آئے گی، لیکن اس کا یہ مطلب نہیں کہ وائرس ختم ہو جائے گا۔انکا کہنا تھا کہ"بہت سے معاملات کا مطلب یہ ہے کہ وائرس بدلنے کی صلاحیت رکھتا ہے لہٰذا ہم نہیں جانتے کہ صورتحال کیسے سامنے آئے گی۔ تاہم، محتاط امید ہے کہ جب اومیکرون پوری دنیا میں پھیل جائے گا تو بڑے وباء ختم ہو جائیں گے‘‘۔ووجنوچ کے مطابق، ڈبلیو ایچ او یہ پیش گوئی کرنے کی کوشش کر رہا ہے کہ یہ کب ہوگا، لیکن یہ مشکل ہے کیونکہ ممالک "اب اپنی جانچ کی حکمت عملی تبدیل کر رہے ہیں"۔
کوئی نیا ویرینٹ نہیں آیا تو کورونا 2022میں ختم ہوگاـ:عالمی ادارہ صحت
