نیوز ڈیسک
جموں// گزشتہ سال ٹارگٹ کلنگ کے بعد کشمیر سے فرار ہونے والے جموں سے تعلق رکھنے والے خصوصی زمرے سے تعلق رکھنے والے ملازمین نے جمعہ کو وادی سے منتقلی کے لیے اپنی 290 روزہ ہڑتال کو معطل کردیا۔ریزروڈ کیٹیگری ایمپلائیز ایسوسی ایشن کے رہنما کلدیپ کمار نے کہا کہ ہڑتال کو معطل کرنے کا فیصلہ 10 رکنی رابطہ کمیٹی نے گزشتہ دو ہفتوں کے دوران لیفٹیننٹ گورنر کی زیر قیادت انتظامیہ کے ساتھ کئی دور کی بات چیت کے بعد کیا ہے۔ہڑتال معطل کرنے کا فیصلہ، وزیر اعظم پیکیج کے تحت وادی میں کام کرنے والے کشمیری پنڈت ملازمین نے بھی اپنے 310 روزہ ایجی ٹیشن کو معطل کرنے کا اعلان کرنے کے ، پندرہ دن بعد کیا گیا ہے۔ ان میں سے اکثریت نے پہلے ہی کشمیر میں اپنی ڈیوٹی دوبارہ شروع کر دی ہے۔ریزرو کیٹیگری کے سینکڑوں ملازمین جن کا تعلق جموں سے ہے،وادی میں مہاجر کشمیری پنڈت ملازمین رجنی بالا اور راہول بھٹ کی ہلاکت کے بعد فرار ہو گئے تھے۔کمار نے کہا، “3,500 ریزرو کیٹیگری کے زیادہ تر ملازمین نے پہلے ہی وادی میں 15 سال سے زیادہ عرصے سے خدمات انجام دی ہیں اور ہم چاہتے ہیں کہ حکومت ہمارے سیکورٹی خدشات کو دور کرنے اور مناسب رہائش کے ساتھ ساتھ ایک ٹرانسفر پالیسی لے کر آئے،” ۔انہوں نے کہا کہ تنظیم نے انتظامیہ کی اس یقین دہانی پر فی الحال احتجاج کو معطل کرنے کا فیصلہ کیا ہے کہ ان کے تمام مسائل کو مقررہ وقت میں حل کیا جائے گا۔
کشمیر میں تعینات خصوصی زمرہ کے ملازمین | جموں میں290رز ہ ہڑتال معطل
ملک و جہان کی خبروں سے رہیں اپڈیٹ
نیوز لیڑ ای میل پر پائیں
