عظمیٰ نیوز سروس
ڈوڈہ//یوتھ سروسز اینڈ اسپورٹس ڈیپارٹمنٹ بھلیسہ زون کے فیلڈ اسٹاف کے لئے ایک ٹریننگ/ریفریشر کورس ہیلی پیڈ گنڈوہ میں اختتام پذیر ہوا۔ یہ ایونٹ انڈر 14 اور انڈر 17 لڑکوں اور لڑکیوں کے انٹر اسکول زونل سطح کے ٹورنامنٹ کا نتیجہ تھا جو 22 مئی کو اختتام پذیر ہوا۔ ضلع کے مختلف زونز اور مقامات پر مختلف کھیلوں کے مقابلوں کا انعقاد کیا گیا۔ کھیلوں کا یہ ایونٹ، جو تین دن تک جاری رہا2024کے منظور شدہ سالانہ سرگرمی کیلنڈر کا حصہ تھا۔یہ تقریبات ڈائریکٹریوتھ سروسز اینڈ اسپورٹس ڈیپارٹمنٹ سباش چندر چبر اور ضلع ترقیاتی کمشنر، ہرویندر سنگھ کے زیراہتمام منعقد کی گئیں۔ جوائنٹ ڈائریکٹر وائی ایس ایس جموں، وید پرکاش کی رہنمائی اور سنیل کمار، ڈی وائی ایس ایس او ڈوڈا کی مجموعی نگرانی نے سرگرمیوں کو آسانی سے انجام دینے کو یقینی بنایا۔ایکٹیویٹی سیکشن نے ٹورنامنٹ کے شیڈول کے مطابق تمام زونز اور وینیوز کا دورہ کیا۔
