ڈوڈہ// ضلع کو منشیات سے پاک و صاف بنانے و اس کاروبار میں ملوث افراد کے خلاف شکنجہ کستے ہوئے 1سمگلر کو پبلک سیفٹی ایکٹ کے تحت بند کیا ہے جبکہ خواتین سمیت دیگر سمگلروں کو بھی راڈار پر رکھا گیا ہے۔ان باتوں کا اظہار ایس ایس پی ڈوڈہ عبد القیوم نے ضلع مجسٹریٹ ڈوڈہ وشیش پال مہاجن کی قیادت میں منعقد نارکو کوارڈی نیشن کمیٹی کی میٹنگ کے دوران کیا۔اس موقع پر گذشتہ میٹنگ میں دی گئی ہدایات کا جائزہ و منشیات کے استعمال کے خلاف مستقبل کے لائحہ عمل پر بھی تبادلہ خیال کیا گیا۔میٹنگ کے دوران ایس ایس پی عبدالقیوم جو کمیٹی کے کنوینئر بھی ہیں، نے منشیات کی لت اورسمگلنگ پر قابو پانے کے لئے کی جارہی کوششوں کے بارے میں تفصیلی بریفنگ دی۔اس موقع پر ضلع مجسٹریٹ نے بتایا کہ حال ہی میں ایک بدنام زمانہ منشیات فروش کے خلاف پبلک سیفٹی ایکٹ کے تحت مقدمہ درج کیا گیا ہے اور بہت سے سمگلر جن میں خواتین بھی شامل ہیں کی جانچ پڑتال کی جا رہی ہے اور سیفٹی ایکٹکے تحت ان کی حفاظتی حراست کے لئے ڈوزیئر تیار کئے جا رہے ہیں۔
ڈی ایم نے چیف ایجوکیشن آفیسر ڈوڈہ کو ہدایت دی کہ وہ 5 ستمبر 2023 کو ضلع بھر میں بھنگ کی تباہی کی ایک بڑی مہم چلانے کے لئے ریونیو، پولیس اور ایکسائز حکام کے ساتھ تال میل قائم کریںاور اے ڈی سی کی قیادت میں تشکیل دی گئی کمیٹی سے ادویات کی دوکانوں میں سائیکوٹرپک ادویات کی دستیابی کو محدود کرنے و 15 دن میں مخصوص سفارشات کے ساتھ رپورٹ دینے کی ہدایت کی گئی۔انہوں نے کہا کہ بھدرواہ میں بازآبادکاری مرکز کا افتتاح یکم ستمبر 2023 کو کیا جائے گا۔
ڈی ایم نے مجسٹریٹس اور پولیس افسران کو میڈیکل اسٹوروں کی چیکنگ کو تیز کرنے اور ان میڈیکل اسٹوروں میں سی سی ٹی وی کیمروں کی لازمی تنصیب اور نفسیاتی ادویات کا مناسب ریکارڈ نافذ کرنے پر زور دییا۔انہوں نے ریونیو حکام کو دو دن کے اندر ضلع میں پوست کی کاشت میں ملوث پائے جانے والے زمینداروں کے ریونیو ریکارڈ میں اندراجات کو نشان زد کرنے کا ہدف دیا گیا۔ایس ایس پی نے کہا کہ 2023 ضلع سے منشیات کے استعمال کے خاتمے کے لئے وقف کیا گیا ہے اور تمام اسٹیک ہولڈرز کو اس مشن میں شامل کیا گیا ہے۔ 14ویں نارکو کوارڈی نیشن میٹنگ میں مقامی حکام کی جانب سے منشیات کے استعمال کا جامع طور پر مقابلہ کرنے اور منشیات سے پاک ضلع کے حصول کے لیے پرعزم کوششوں کا مظاہرہ بھی مظاہرہ کیا گیا۔
