ڈاکٹر فاروق اور عمر عبداللہ کی حاضری

 سرینگر//عید میلاد النبیؐ کے مقدس موقعہ پر صدرِ نیشنل کانفرنس ڈاکٹر فاروق عبداللہ اور عمر عبداللہ نے درگاہ حضرت بل میں حاضری دی۔  فاروق عبداللہ نے نمازِ فجرکے موقعہ پر آئے جبکہ عمر عبداللہ نے دوپہر میں حاضری دی اور نمازِ جمعہ بھی وہیں ادا کی۔ ڈاکٹر فاروق لوگوں سے بھی ملاقی ہوئے ۔ انہوں نے عوام سے اپیل کی کہ وہ رحمت باران اور عالم اسلام کو درپیش چیلنجوں سے نجات پانے کیلئے اللہ کے دربار میں سربسجود ہوکر ان آزمائشوں سے نجات کیلئے دعائیں مانگیں۔ انہوں نے کہا کہ یہ درگاہ ہمارے ملی سرمایہ اور اسلامی تہذیب و تمدن کا گہوارہا ہے۔ اللہ تعالیٰ ان درباروں پر بھی اپنے بندوں کی دعائیں قبول کرتا ہے۔