ایجنسیز
نئی دلی/ٹیم انڈیا چیمپئنز ٹرافی کے لئے پاکستان نہیں جائے گی اور بھارت اپنے میچز دبئی میں کرانے کا خواہاں ہے۔میڈیا کے مطابق بی سی سی آئی نے پاکستان کرکٹ بورڈ کو حال ہی میں ایک پیغام بھیجا ہے۔بورڈ نے سیکیورٹی خدشات کا اظہار کرتے ہوئے اپنے تمام میچز دبئی میں کھیلنے کی خواہش کا اظہار کیا ہے۔میڈیا کے مطابق حال ہی میں اسلام آباد میں شنگھائی تعاون تنظیم کے اجلاس کے موقع پر بھارتی وزیرِ خارجہ جے شنکر اور نائب وزیرِ اعظم اسحاق ڈار کے درمیان ہونے والی ملاقات میں بھارتی ٹیم کے ممکنہ طور پر پاکستان دورے پر بات ہوئی تھی۔دوسری جانب پاکستان کرکٹ بورڈ کے چیئرمین محسن نقوی نے کہا ہے کہ میرے پاس بھارتی کرکٹ بورڈ کا کوئی پرچہ نہیں آیا، بی سی سی آئی نے اب تک تحریری طور پر کچھ نہیں بتایا ہے۔انہوں نے کہا ہے کہ ہائبرڈ ماڈل پر کوئی بات نہیں ہوئی اور نہ ہوگی۔
