ایجنسیز
لاہور /محمد رضوان کی کپتانی سے چھٹی؟ چیمپئنز ٹرافی کے بعد پاکستان کرکٹ ٹیم کے ممکنہ نئے کپتان کا نام سامنے آ گیا۔ میڈیا رپورٹس میں ذرائع کے حوالے سے دعویٰ کیا جا رہا ہے کہ محمد رضوان سے ٹی ٹوئنٹی ٹیم کی کپتانی واپس لے لئے جانے کا فیصلہ کر لیا گیا ہے۔ میڈیا رپورٹس کے مطابق چیمپئنز ٹرافی میں ناقص کارکردگی کے بعد پاکستان دورہ نیوزی لینڈ کے لئے پاکستانی اسکواڈ میں بڑی تبدیلیاں متوقع ہے اور دورے کے لئے ممکنہ پاکستانی اسکواڈ سامنے آگیا۔ذرائع نے بتایا ہے کہ شاداب خان کو ٹی ٹونٹی فارمیٹ کا کپتان بنائے جانے کا امکان ہے اور بابراعظم اور نسیم شاہ کو ٹی ٹونٹی سے ڈراپ کئے جانے کا امکان ہے۔ اس کے علاوہ شاہین شاہ آفریدی اور حارث رئوف کو ون ڈے اسکواڈ سے ڈراپ کئے جانے کا امکان ہے۔مجموعی طور پر دورہ نیوزی لینڈ کے لئے اسکواڈ میں محمد حارث، عرفان خان، محمد وسیم جونیئر، سفیان مقیم، جہانداد خان، عاکف جاوید، عمیر بن یوسف، عبد الصمد، حسین طلعت اور محمد علی کی شمولیت متوقع ہے۔متوقع ون ڈے اسکواڈ میں محمد رضوان، سلمان علی آغا، بابراعظم، امام الحق، عبداللہ شفیق، طیب طاہر، عرفان خان، خوشدل شاہ، وسیم جونیئر ، نسیم شاہ، عاکف جاوید ، محمد علی، سفیان مقیم، ابرار احمد اور فہیم اشرف شامل ہوں گے جبکہ متوقع ٹی ٹونٹی اسکواڈ میں شاداب خان (کپتان)، محمد حارث، صفیان مقیم، عرفان خان، شاہین آفریدی، عباس آفریدی، جہانداد خان، ابرار احمد، عمیر بن یوسف، خوشدل شاہ، حسن نواز، عبدالصمد، حارث رف، عثمان خان، حسین طلعت اور محمد علی شامل ہوں گے ۔واضح رہے کہ پاکستان اور نیوزی لینڈ کے درمیان 5ٹی ٹونٹی اور 3ون ڈے انٹرنیشنل میچز پر مشتمل سیریز 16مارچ سے شروع ہوگی۔
