پیٹرول اور ڈیزل کی قیمتوں میں کوئی تبدیلی نہیں

یو این آئی
نئی دہلی// بین الاقوامی سطح پر خام تیل کی قیمتوں میں مسلسل نرمی کے ساتھ ملک میں جمعرات کو پٹرول اور ڈیزل کی قیمتیں مسلسل 22ویں دن مستحکم رہیں۔

 

ملک کی سب سے بڑی پبلک سیکٹر آئل مارکیٹنگ کمپنی انڈین آئل کارپوریشن لمیٹڈ (آئی او سی ایل ) کے مطابق، دہلی میں آج پٹرول 105.41 روپے فی لیٹر اور ڈیزل 96.67 روپے فی لیٹر پر مستحکم رہا۔ ممبئی میں پٹرول کی قیمت 120.51 روپے فی لیٹر اور ڈیزل کی قیمت 104.77 روپے فی لیٹر مقرر کی گئی ہے۔

 

یوکرین اور روس کے درمیان جاری جنگ کے باعث بین الاقوامی مارکیٹ میں خام تیل کی قیمتوں میں اتار چڑھاؤ کا سلسلہ جاری ہے۔

 

عالمی منڈی میں آج خام تیل کی قیمتوں میں کمی ہوئی۔ لندن برینٹ کروڈ 1.41 فیصد کمی کے ساتھ 103.84 ڈالر فی بیرل اور یو ایس کروڈ 1.36 فیصد کمی کے ساتھ 100.63 ڈالر فی بیرل پر کاروبار کر رہا تھا۔

 

ملک میں پٹرول اور ڈیزل کی قیمتوں میں 137 دن کے استحکام کے بعد گزشتہ 22 مارچ سے اضافہ ہونا شروع ہوا۔ کمپنیوں نے گزشتہ 32 دنوں میں پٹرول اور ڈیزل کی قیمتوں میں 14 بار اضافہ کیا ہے۔ اس دوران ان کی قیمتوں میں تقریباً 10 روپے فی لیٹر اضافہ ہوا ہے۔

 

پٹرول اور ڈیزل کی قیمتوں کا روزانہ جائزہ لیا جاتا ہے۔

 

آج ملک کے چار بڑے شہروں میں پٹرول اور ڈیزل کی قیمتیں کچھ یوں رہیں۔

شہر……….پیٹرول……….ڈیزل (روپے فی لیٹر)

دہلی…………. 105.41…….96.67

کولکاتہ ……115.12………99.83

ممبئی …………120.51…….104.77

چنئی…………..110.85……..100.94