پیناکا راکٹ سسٹم کا کامیاب تجربہ

نئی دہلی// ڈیفنس ریسرچ اینڈ ڈیولپمنٹ آرگنائزیشن (ڈی آر ڈی او) اور فوج نے پوکھران رینج میں پیناکا ایم کے -1 راکٹ سسٹم اور پیناکا ایریا ڈینئل میونیشن راکٹ سسٹم کا کامیاب تجربہ کیا ہے ۔اس ٹیسٹ کے دوران مختلف فاصلوں کے لیے کل 24 راکٹ سسٹمز کا تجربہ کیا گیا۔ ٹیسٹ کے دوران تمام راکٹ درست طریقے سے فائر کیے گئے اور تمام ٹیسٹ مقاصد کامیابی سے حاصل کر لیے گئے ۔ ان آزمائشوں کے دوران ٹیکنالوجی کی منتقلی کا ابتدائی مرحلہ مکمل ہو چکا ہے اور صنعتی شراکت دار اپنی پیداوار کے لیے تیار ہیں۔پیناکا راکٹ سسٹم کو پونے کی آرمامنٹ ریسرچ اینڈ ڈیولپمنٹ اسٹیبلشمنٹ نے ڈی آر ڈی او کی لیبارٹری کے تعاون سے تیار کیا ہے ۔یہ راکٹ سسٹم پیناکا راکٹ کا ایک بہتر ورژن ہے ۔ فوج گزشتہ ایک دہائی سے پیناکا راکٹوں سے لیس ہے ۔