پٹرول اور ڈیزل کی قیمتوں میں مسلسل دوسرے دن بھی کمی

نئی دہلی// بین الاقوامی مارکیٹ میں خام تیل کی قیمتوں میں زبردست کمی کے باعث آج گھریلو سطح پر پٹرول اور ڈیزل کی قیمتوں میں مسلسل دوسرے دن کمی آئی ہے ۔ دہلی میں پٹرول 21 پیسے فی لیٹر اور ڈیزل 20پیسے فی لیٹر سستا ہوگیا۔ آئل مارکیٹنگ کرنے والی کمپنی انڈین آئل کارپوریشن کے مطابق جمعرات کو دہلی میں پٹرول 90.78 روپے فی لیٹر اور ڈیزل 81.10 روپے فی لیٹر پر آگیا۔اس سے قبل ان ایندھنوں کی قیمتوں میں مسلسل 24دنوں تک کوئی تبدیلی نہیں ہوئی تھی۔