حسین محتشم
پونچھ//سرحدی ضلع پونچھ کے گاؤں سیڑھی خواجہ سے تعلق رکھنے والے محمد اشفاق ولد عبدالمجید ملک کو 8ویں نیشنل پینکاک سلات فیڈریشن کپ 25-2024کے ٹرائلز کے لیے منتخب کیا گیا ہے۔ یہ ٹرائل سری نگر کے گنڈم سپورٹس اسٹیڈیم میں ہونے والے ہیں۔محمد اشفاق کی اس کامیابی پر پرویز احمد ملک رہبر کھیل ٹیچر اور منظور احمد اور سرنکوٹ زون کے معزز فزیکل ٹیچرز نے خوشی کا اظہار کرتے ہوئے کہا ہے کہ ان کے لیے فخر کا مقام ہے کہ ان سے تربیت حاصل کرنے والے ایک اور نوجوان کھلاڑی نے بڑی کامیابی حاصل کی ہے۔انہوں نے کہا یہ کامیابی اشفاق کے لیے ایک اہم سنگ میل اور پوری پونچھ کمیونٹی کے لیے ایک قابل فخر لمحہ ہے۔ اشفاق کے لیے آنے والے ٹرائلز ایک اہم قدم ہوں گے کیونکہ ان کا مقصد اپنی صلاحیتوں کا مظاہرہ کرنا اور باوقار پینکاک سلات فیڈریشن کپ میں اپنی جگہ محفوظ کرنا ہے ۔
