جموں//جموں و کشمیر کے لیفٹیننٹ گورنر منوج سنہا نے جمعہ کو کہا کہ سرحدی ضلع پونچھ میں 5,693اضافی بنکر قائم کرنے کی تجویز منظوری کے لیے پیش کی گئی ہے۔اس بات کا انکشاف سنہا نے پونچھ اور راجوری میں آپریشن سندور کے دوران حالیہ قدرتی آفات اور بلا اشتعال پاکستانی گولہ باری سے متاثرہ خاندانوں کے لیے 521نئے مکانات کی تعمیر کا سنگ بنیاد رکھنے کے بعد کیا۔لیفٹیننٹ گورنر، جنہوں نے پونچھ اور راجوری میں بنیادی ڈھانچے کو بہتر بنانے کے لیے اٹھائے گئے کلیدی اقدامات کا اشتراک کیا، کہا کہ پچھلے کچھ برسوں میں پونچھ میں 1,125بنکر مکمل ہو چکے ہیں، اور 5,693اضافی بنکروں کی تعمیر کی تجویز منظوری کے لیے پیش کی گئی ہے۔انہوں نے مزید کہا کہ راجوری میں پانچ سالوں میں 2,923 بنکر تعمیر کیے گئے، جس سے سرحد کے ساتھ رہنے والی ایک بڑی آبادی کو راحت ملی۔سنہا نے مشاہدہ کیا کہ راجوری میں دہشت گردی سے متاثرہ خاندانوں کے 19اور پونچھ میں نو کو سرکاری ملازمتیں فراہم کی گئیں۔انہوں نے ضلعی اور پولیس انتظامیہ کوملی ٹینسی کے شکار خاندانوں کی شناخت کرنے اور ان کی ملازمت سے متعلق تقرری سے متعلق کیسز کو حکومت کے جنرل ایڈمنسٹریشن ڈیپارٹمنٹ کو بھیجنے کی ہدایت کی۔
پونچھ میں 5693اضافی بنکر تعمیر کی تجویز منظوری کیلئے پیش:سنہا
