نیوز ڈیسک
سری نگر//جموں وکشمیر پولیس نے جنوبی ضلع پلوامہ میں ہابئیرڈ جنگجو اور اُس کے ساتھی کو اسلحہ وگولہ بارود سمیت گرفتار کرنے کا دعویٰ کیا ہے۔
پولیس کے ایک ترجمان نے بتایا کہ مصدقہ اطلاع موصول ہونے کے بعد 50 آر آر، 2 پیرا رجمنٹ اور 183 بٹالین سی آر پی ایف نے بدھ کے روز پلوامہ میں ہابئیرڈ جنگجو اور اُس کے ساتھی کو گرفتار کیا۔
انہوں نے گرفتار شدگان کی شناخت وقار بشیر بٹ ولد بشیر احمد بٹ اور شاہد اسحاق پنڈت ولد محمد اسحاق پنڈت ساکنان کریم آباد پلوامہ کے بطور کی۔
ترجمان کے مطابق مذکورہ افراد کے قبضے سے ایک پستول ، ایک میگزین اور دوسرا قابل عتراض مواد برآمد کرکے ضبط کیا گیا۔
انہوں نے کہاکہ ابتدائی پوچھ تاچھ کے دوران معلوم ہوا ہے کہ دونوں لشکر طیبہ کے پاکستانی ہینڈلر علی سجاد کے ساتھ رابطے میں تھے اور اُنہیں ضلع میں سیکورٹی فورسز اور غیر مقامی مزدوروں کو نشانہ بنانے کا کام سونپا گیا تھا۔
پولیس نے معاملے کی نسبت کیس درج کرکے مزید تحقیقات شروع کی ہے۔
