پولیس ڈیپارٹمنٹ میں 32سینئرافسران کے تبادلے

بلال فرقانی

سرینگر// محکمہ داخلہ نے3آئی پی ایس افسران سمیت32اعلیٰ پولیس افسران کے تبادلے اور تقرریاں عمل میں لائیں۔محکمہ داخلہ کے ایدیشنل چیف سیکریٹری(فائنانشل کمشنر) راج کمار گوئل کی جانب سے جاری حکم نامہ کے مطابق پولیس ہیڈ کوارٹر میں تعینات ڈپٹی انسپکٹر جنرل (ایڈمنسٹریشن) سارہ رضوی کو تبدیل کرکے دستیاب اسامی پر ڈپٹی انسپکٹر جنرل آئی آر جموں تعینات کیا گیا اور نیشا نتھیال کو اضافی چارج سے فارغ کیا گیا جبکہ آئی جی پی ٹیکنکل سروس کی سٹاپ افسر سرگن کو تبدیل کر کے دستیاب جگہ پر ایس ایس پی (پی سی آر )جموں تعینات کرکے اشوک کمار بدھوال کو اضافی چارج سے فارغ کیا گیا۔

 

 

 

سپر انٹنڈنٹ پولیس،سی آئی ڈی جموں شوبت سکسینہ کو تبدیل کرکے دستیاب جگہ پر ایس پی سٹیٹ انویسٹگیٹو ایجنسی(ایس آئے آئی) جموں، جموں کشمیر آرمڈ پولیس کی5ویں بٹالین کے کمانڈنٹ سہیل منور میر کو تبدیل کرکے ایس ایس پی کرائم کشمیر اور ایس ایس پی کرائم جموں راجیشور سنگھ کو تبدیل کرکے ایس ایس پی سیکورٹی ورکشاپ تعینات کیا گیا۔حکمنامہ کے مطابق ایس ایس پی ،سی آئی ڈی ہیڈ کوارٹر زاہد نسیم منہاس کو تبدیل کرکے ایس ڈی آر ایف جموں،دوسری بٹالین کے کمانڈنٹ اور ایس ایس پی ،پولیس کنٹرول روم سرینگر زبیر احمد خان کو تبدیل کرکے پرنسپل،پولیس ٹریننگ اسکول منی گام تعینات کیا گیا۔ ایس ایس پی سیکورٹی ورکشاپ شلیندر کمار سنگھ کو تبدیل کرکے ایس ایس پی کرائم جموں، پرنسپل پولیس ٹریننگ اسکول منی گام شوکت حسین کو تبدیل کرکے ایس ایس پی پولیس کنٹرول روم سرینگر، ایس پی پونچھ روہت بسکوترا کو تبدیل کرکے ایس پی ٹریفک نیشنل ہائی وے، آئی آر20ویں بٹالین کے کمانڈنٹ راجندر سنگھ کو تبدیل کرکے ایس پی(ایس ایس) سی آئی ڈی ہیڈ کوارٹر،ایس پی سیکورٹی کشمیر شیخ زوالفقار آزاد کو تبدیل کرکے ڈائریکٹر شیر کشمیر پولیس اکیڈمی ادھمپور، پولیس اکیڈمی ادھمپور، کے اسسٹنٹ ڈائریکٹر ونے کمار کو تبدیل کرکے ایس پی ٹریفک رورل جموں، ایس پی کٹرہ امیت بھاسن کو تبدیل کرکے ائے آئی جی (بلڈنگس)،پولیس ہیڈ کوارٹر، ایس پی،اے این ٹی ایف جموں کشمیر ونے کمار کو تبدیل کرکے ایس پی پونچھ، پی ٹی ایس کھٹوعہ کے وائس پرنسپل سریش کمار کو تبدیل کرکے ایڈیشنل سپر انٹنڈنٹ پولیس،سی آئی ڈی و ایس بی جموں،ایس پی ساوتھ جموں ممتا شرما کو تبدیل کرکے ایدیشنل ایس پی سیکورٹی جموں اور ایس پی(ایس ایس) سی آئی ڈی ہیڈ کوارٹر دائود ایوب کو تبدیل کرکے ایس پی ،سی آئی ڈی ہیڈ کوارٹر تعینات کیا گیا۔ اے پی سی آر کے سپر انٹنڈنٹ پولیس راج کمار کو تبدیل کرکے سپر انٹنڈنٹ پولیس اے این ٹی ایف جموں کشمیر، ایس پی انٹی کورپشن بیورو مشتاق احمد کو تبدیل کرکے جوائنٹ ڈائریکٹر(ہیڈ کوارٹر) ایس ایس ایف، سپر انٹنڈنٹ پولیس ایس ایس جی شیخ فیصل قیوم کوایس پی سیکورٹی کشمیر، ایڈیشنل ایس پی سیکورٹی جموں شاہین واحد کو ایس پی ساوتھ جموں، آئی آر23ویں بتالین کے ڈپٹی کمانڈنٹ اعجاز احمد ملک کو تبدیل کرکے ایڈیشنل ایس پی گاندربل، جوائنٹ ڈائریکٹر ایس ایس ایف جموں وپن چندرن کو تبدیل کرکے ایڈیشنل سپر انٹنڈنٹ پولیس کٹرہ،ایڈیشنل سپر انٹنڈنٹ پولیس ہندوارہ ارشاد حسین راتھر کو تبدیل کرکے آئی آر23ویں بٹالین کے ڈپٹی کمانڈنٹ اور سپر انٹنڈنٹ پولیس انٹی کورپشن بیورو ابھشیک شرما کو تبدیل کرکے جوائنٹ ڈائریکٹر ایس ایف ایف، ایڈیشنل سپر انٹنڈنٹ پولیس بھدرواہ کامیشور پوری کو تبدیل کرکے ایڈیشنل سپر انٹنڈنٹ پولیس پی سی جموں، آرمڈ پولیس تیسری بٹالین،سیکورٹی کے ڈپٹی کمانڈنت محمد افضل کو تبدیل کرکے ایڈیشنل سپر انٹنڈنٹ پولیس سی آئی ڈی،سی آئی کشمیر، دوسری خواتین بٹالین کے ڈپٹی کمانڈنٹ فرقان قادر کو تبدیل کرکے ایڈیشنل سپر انٹنڈنٹ پولیس،پی سی اننت ناگ تعینات کیا گیا۔آرڈر میں مزید کہا گیا ہے کہ پولیس ہیڈ کوارٹر میں اپنی تعیناتی کے منتظر سجاد احمد شیخ کو دوسری خواتین بٹالین کے ڈپٹی کمانڈنٹ،پولیس ہیڈ کوارٹر میں اپنی تعیناتی کا انتظار کر رہے انچارج سپر انٹنڈنٹ پولیس ونود کمار کو تبدیل کرکے ایڈیشنل سپر انٹنڈنٹ پولیس بھدرواہ اور اپنی تقرری کے منتظر اجے شرما کو ایڈیشنل ایس پی، ریاستی تحقیقاتی ایجنسی( ایس آئی اے) تعینات کیا گیا۔

 

 

جائیداد نزول کشمیرکے کسٹوڈین تبدیل
بلال فرقانی

سرینگر//جموں کشمیر انتظامی سروس کے ایک افسرکا تبادلہ عمل میں لایا گیا جبکہ ایک کو اضافی چارج تفویض کیا گیا۔ اویکو پراپرٹی کشمیر کے کسٹوڈین طارق حسین کو تبدیل کرکے ٹورازم ڈیولپمنٹ اتھارٹی پہلگام میں چیف ایگزیکٹو افسر تعینات کیا گیا ہے،جبکہ ضلع ترقیاتی کمشنر اننت ناگ فخر الدین حامد کو اضافی چارج سے فارغ کیا گیا۔ ڈائریکٹر اربن لوکل باڈئز جموں پونیت شرما کو تا حکم ثانی اپنی ذمہ داریوں کے علاوہ جموں اربن ڈیولپمنٹ ایجنسی کے چیف ایگزیکٹو افسر کا اضافی چارج دیا گیا۔سیکریٹریٹ ماتحت سروس کے تحت7ہیڈ اسسٹنٹوں کے تبادلے عمل میں لائے گئے۔