سرینگر// پولیس نے جمعہ کو کہا کہ جنوبی ضلع پلوامہ کے کاکا پورہ علاقے میں سیکورٹی فورسز کے آپریشن کے دوران فورسز اور جنگجوﺅں کے مابین معرکہ آرائی کے نتیجے میں تین جنگجو جاں بحق ہوگئے۔
پولیس نے اس بات کی اطلاع ایک ٹویٹ میں دیتے ہوئے کہا کہ جاں بحق جنگجوﺅں کی شناخت ابھی نہیں ہوئی ہے۔
اس سے قبل اطلاعات کے مطابق فوج، سی آر پی ایف اور پولیس نے مشترکہ طور کاکا پورہ میںجنگجوﺅں کی موجودگی کی اطلاع ملنے کے بعد وہاں کا محاصرہ کیا اور تلاشی آپریشن ہاتھ میں لیا۔
تلاشی آپریشن کے دوران چھپے جنگجوﺅں نے فورسز پر گولیاں چلائیں جس کے بعد طرفین میں باضابطہ معرکہ آرائی شروع ہوگئی ۔
اس دوران معلوم ہوا ہے کہ علاقے میں مظاہرین اور فورسز کے مابین جھڑپیں بھی ہوئی ہیں جن میں نیوز ایجنسی کے این او کے مطابق ایک لڑکی سمیت دو افراد زخمی ہوئے ہیں ۔دونوں زخمیوں کو صدر اسپتال سرینگر منتقل کیا گیا ہے۔
