پلوامہ //پولیس نے جمعرات کو پلوامہ ضلع کے کاکا پورہ کے لیل ہار گائوں میں "دیوی وشنو" کی ایک پرانی مورتی برآمد کرکے محکمہ آثار قدیمہ کے حکام کے حوالے کرنے کا دعویٰ کیا ہے۔
پولیس کی جانب سے جاری کردہ ایک بیان کے مطابق، پلوامہ پولیس کو کل کاکا پورہ کے گائوں لیہار کے لوگوں کی جانب سے ایک اطلاع ملی کہ کچھ مقامی لوگوں نے "تین سروں والی دیوی وشنو"پائی جس کے بعد اس کی اطلاع پولیس کو دی۔
اس پر پولیس اسٹیشن کاکاپورہ سے ایک پولیس ٹیم موقع پر پہنچی اور پرانی مورتی کو اپنے قبضے میں لے لیا۔
اس کے بعد پلوامہ پولیس نے آثار قدیمہ کی ٹیم کو اس بارے میں مطلع کیا اور تمام قانونی تقاضوں کو پورا کرنے کے بعد، اسے محکمہ آثار قدیمہ کے حوالے کیا گیا۔
بتا جا رہا ہے کہ یہ بت دہائیوں پرانا ہو سکتا ہے۔
