پرائمری سکو ل زیلنا سرے سے ہی بند پایاگیا

نیوز ڈیسک
کشتواڑ//چیف ایجوکیشن آفیسر کشتواڑ سدرشن کمار نے کئی سرکاری سکولوں کا معائنہ کیاجن میںہایرسکنڈرری سکول ڈول، مڈل سکول ملک پورہ ڈول اور زون ناگسینی کا پرائمری سکول زیلنا شامل ہے۔معائنہ کے دوران چیف ایجوکیشن آفیسر نے سٹاف کی حاضری کا اندراج چیک کیا، سکول کے طلباء سے بات چیت کی اور تدریسی طریقہ کار کے بارے میں دریافت کیا۔دریں اثناء ہا یرسکنڈرری سکول ڈول میں سی ای او کشتواڑ نے نئی تعمیر شدہ عمارت کے جاری تعمیراتی کام پر پیش رفت کا جائزہ لیا جس پر 120.51 لاکھ روپے کی تخمینہ لاگت آنے والی ہے۔انہوں نے متعلقہ ایگزیکیوٹنگ ایجنسیوں/ ٹھیکیداروں کو ہدایت کی کہ وہ کام کی رفتار کو تیز کریں تاکہ کام مقررہ وقت میں مکمل ہو سکے۔سی ای او کشتواڑ نے پرنسپل ہا یرسکنڈرری سکول ڈول تیرتھ لال پر زور دیا کہ وہ جاری کام کی رفتار اور معیار کی نگرانی کریں۔پرائمری سکول زیلنا میں معائنہ کے دوران عملہ اور طلباء غیر حاضر پائے گئے۔ سی ای او کشتواڑ نے متعلقہ زیڈ ای او کو حکم دیا ہے کہ وہ اس معاملے کی انکوائری کریں اورغیرحاضرین کے خلاف قانون کی مختلف دفعات کے تحت سخت کارروائی کریں۔