عظمیٰ نیوز سروس
سرینگر//محکمہ ہینڈی کرافٹس اور ہینڈ لوم کشمیر کی جانب سے ہفتہ کو لکڑی کی نقاشی کے فن میں غلام نبی ڈار کی رہائش گاہ دانا مزار صفاکدل میںموصوف کے حالیہ اعزاز’پدم شری ‘کے اعتراف میںایک تقریب کا انعقاد کیا گیا۔اپنی دستکاری کیلئے مشہور غلام نبی نے اپنے فن میںپذیرائی حاصل کی ہے۔انہوں نے سال 1984 میں اسٹیٹ ایوارڈ اور 1995 میں نیشنل ایوارڈحاصل کئے ہیں۔ ان کی فنکارانہ صلاحیتوں نے عراق، جرمنی اور تھائی لینڈ جیسے ممالک میں پذیرائی حاصل کی۔ اس کی عالمی شہرت یونیسکو نیٹ ورک میں شامل ہونے کے بعد دستکاری اور ہینڈ لوم کشمیر کے محکمہ نے صفاکدل علاقے سے پہلی کرافٹ سفاری شروع کی، جس میں سات دیگر کاریگروں کے ساتھ غلام نبی ڈار کو بھی دکھایا گیا۔ یہ کرافٹ سفاری کاریگروں کے پروفائل کو بڑھانے، خریداروں اور کاریگروں کے درمیان براہ راست روابط کو فروغ دینے، ان کے دستکاری کی گہری سمجھ فراہم کرنے اور دستکاروں سے براہ راست خریداری کے قابل بنانے میں اہم کردار ادا کرتے تھے۔ تقریب میں دستکاری اور ہینڈ لوم کشمیر کے ڈائریکٹر نے ایوارڈ کی اہمیت کو اجاگر کرتے ہوئے اس بات پر زور دیا کہ یہ نہ صرف غلام نبی ڈار جیسے دستکاروں کو پہچان دیتا ہے بلکہ کمیونٹی اور ریاست پر بھی مثبت عکاسی کرتا ہے۔انوہں نے غلام نبی ڈار کی حوصلہ افزائی کرتے ہوئے کہا کہ وہ اپنی بہترین کارکردگی کو جاری رکھیں۔ ڈائریکٹر نے اس بات پر روشنی ڈالی کہ اس طرح کے اعزازات کاروبار کے مواقع اور دوسروں کے لیے حوصلہ افزائی کے دروازے کھولتے ہیں۔
