’’پاکستان دہشت گردی چھوڑ دے‘‘: الیکشن سے قبل بھی مذاکرات کیلئے تیار:سشما سوراج

نئی دہلی // بھارت نے کہا ہے کہ وہ پاکستان کیساتھ بات چیت کرنے کیلئے تیار ہے بشرطیکہ پاکستان دہشت گردوں کی مدد و اعانت بند کرے۔ وزیر خارجہ سشما سوراج نے ایک پریس کانفرنس میں کہا کہ دہشت گردی اور بات چیت ایک ساتھ نہیں چل سکتے۔سوراج نے کہا’’ بھارت کی یہ پوزیشن رہی ہے اور اس میں کوئی تبدیلی نہیں ہوسکتی، ہم بات چیت کیلئے تیار ہیں حتیٰ کہ 2019کے الیکشن سے قبل بھی، بات چیت کیساتھ الیکشن کا کوئی لینا دینا نہیں ہے،ہم الیکشن سے قبل ہی مذاکرات کے خواشمند ہیں لیکن شرط یہ ہے کہ پاکستان  دشت گردی چھوڑ دے اورمیز پر آنے کیلئے تیار ہو‘‘۔انہوں نے کہا کہ پاکستان کیساتھ وسیع مذاکراتی عمل تب تک ناممکن ہے جب تک حملے کئے جاتے رہیں اور لوگوں کو مارا جاتا رہے۔