سرینگر// پولیس نے جمعہ کو بتایا کہ پانپور معرکہ آرائی کے دوران ایک اور جنگجو جاں بحق ہوگیا ۔ اس طرح مذکورہ معرکہ آرائی میں جاں بحق جنگجوﺅں کی تعداد دو ہوگئی۔اس معرکہ آرائی کے دوران ایک جنگجو کو زندہ گرفتار کیا گیا۔
یہ معرکہ آرائی گذشتہ شام دیر گئے جنوبی ضلع پلوامہ میں پانپور کے نزدیک میج گاوں میں شروع ہوگئی تھی۔
پولیس نے بتایا”پانپور، میج میں معرکہ آرائی کے دوران ایک اور جنگجو کو جاں بحق کیا گیا۔اس طرح جاں بحق جنگجوﺅں کی تعداد بڑھ کر دو ہوگئی۔“
پولیس نے یہ بھی کہا کہ ایک جنگجو نے فورسز کے سامنے سرنڈر کیا۔
پولیس نے کہا کہ گذشتہ شام فورسز آپریشن کے دوران جنگجوﺅں نے میج میں فورسز پر گولیاں چلاکر فرار ہونے کی کوشش کی۔اس گولی باری میں دو عام شہری زخمی ہوگئے جن میں سے بعد میں ایک زخموں کی تاب نہ لاکر دم توڑ بیٹھا۔
اس سے قبل گذشتہ شام فورسز نے جنگجوﺅں کی موجودگی کی اطلاع کے بعد علاقے میں تلاشی آپریشن شروع کیا ۔آپریشن کو بعد میں رات بھر کیلئے ملتوی کرکے آج صبح سر نو شروع کیا گیا جس کے دوران دو جنگجو جاں بحق ہوگئے جبکہ اُن کے ایک ساتھی کوگرفتار کیا گیا۔
