ٹی ٹوئنٹی ورلڈ کپ ٹرافی کا سفر بارباڈوس سے شروع

لندن //ٹی ٹوئنٹی ورلڈ کپ کی ٹرافی کے سفر کا آغاز آج بارباڈوس سے شروع ہو گا، ٹرافی ویسٹ انڈیز کے مختلف ممالک کا دورہ کریگی.تفصیلات کے مطابق آئی سی سی ٹی ٹوئنٹی ورلڈکپ 2024 کا ٹرافی ٹور شروع ہوچکا ہے چمچماتی ٹی ٹوئنٹی ٹرافی اس ماہ 12 سے 20 اپریل تک ویسٹ انڈیز کے مختلف ممالک کا دورہ کرے گی جہاں شائقن اس کا دیدار کریں گے۔2 جون سے شروع ہونے والے ایونٹ کی ٹرافی کی اس سے قبل نیویارک کے ایمپائر اسٹیٹ بلڈنگ میں ویسٹ انڈیز کے سابق کپتان کرس گیل اور امریکا کے علی خان نے لانچنگ کی تھی۔آئی سی سی نے ٹرافی کی تصاویر اور ویڈیو بھی شیئر کر دی ہیں۔ خوبصورت ٹرافی ٹور کے دوران پندرہ ملکوں کا دورہ کریگی۔خیال رہے کہ ٹی ٹوئنٹی ورلڈکپ کا نواں ایڈیشن رواں سال یکم جون سیامریکا اور ویسٹ انڈیز میں کھیلا جائیگا۔‘آؤٹ آف دی ورلڈ’ ٹرافی ٹور چار براعظموں کے 15 ممالک پر محیط ہوگا جس میں ٹرافی کھیلوں کی مشہور ٹیموں اور اسٹیڈیمز، تاریخی مقامات کا دورہ کرے گا جبکہ اسے لیجنڈ کرکٹرز کے پاس بھی لے جایا جائے گا۔ویسٹ انڈیز اور امریکا کے تمام میزبان مقامات کا دورہ کرنے کے علاوہ ٹرافی امریکا میں ارجنٹائن، برازیل اور کینیڈا جیسے ابھرتے ہوئے کرکٹ ممالک کا بھی دورہ کرے گی۔