عظمیٰ نیوز سروس
جموں//وزیر اعظم نریندر مودی نے جمعہ کو فرانسیسی قومی اسمبلی کے صدر یائل بران پیویٹ کو ہاتھ سے بنا ہوا کشمیری ریشمی قالین تحفہ میں دیا۔کشمیر کے ہاتھ سے بنے ہوئے ریشمی قالین اپنی نرمی اور کاریگری کی وجہ سے پوری دنیا میں مشہور ہیں۔ سلک کشمیری قالین کے رنگ اور اس کی گہنی گہنی تفصیلات اسے کسی بھی دوسرے قالین سے ممتاز کرتی ہیں۔خصوصیت سے، کشمیری ریشمی قالین مختلف زاوئیوں یا اطراف سے دیکھے جانے پر مختلف رنگوں کو ظاہر کرنے کی حیرت انگیز طور پر فطری صفت رکھتے ہیں۔ اکثر رنگوں میں دن رات کا فرق ہوتا ہے جو ایسا لگتا ہے کہ اصل ایک قالین کے بجائے دو قالینوں کو دیکھنے کا وہم پیدا ہوتا ہے۔
کارپوریٹ ہولڈرس کا کہنا ہے کہ اپنے ایک چھوٹے سے اشارے سے، وزیر اعظم نریندر مودی نے کشمیر کے سینکڑوں قالین سازوں کی امیدیں روشن کر دی ہیں، جن کا ماننا ہے کہ ایک فرانسیسی معزز کو ریشم کا قالین تحفے میں دینے سے مقامی صنعت کو بہت ضروری فروغ ملے گا۔کارپٹ یونٹ ہولڈروں کا کہنا ہے کہ یہ ایک بہت مشہور ڈیزائن ہے اور کشمیر میں صرف ریشمی قالین کے ماہر کاریگر ہی یہ ڈیزائن بنا سکتے ہیں۔انہوں نے کہا کہ وہ کشمیری قالین کو عالمی سطح پر فروغ دینے پر وزیر اعظم کے شکر گزار ہیں کہ انہوں نے بین الاقوامی سطح پر کشمیری قالین کی تشہیر کی۔
