وزیر اعظم کا صورتحال کا جائزہ

ایجنسیز

نئی دہلی //وزیر اعظم نریندر مودی نے دھماکے کے بعد صورتحال کا جائزہ لیا۔وزیر اعظم نے دہلی میں دھماکے کے بعد صورتحال کا جائزہ لیا ۔ انہوں نے مرکزی وزیر داخلہ امیت شاہ سے بات کی اور صورتحال کی تازہ جانکاری حاصل کی۔ادھرمرکزی وزیر داخلہ امت شاہ نے فوری طور پر دہلی پولیس کمشنر سے بات کی۔وزیر داخلہ دہلی واقعہ کے سلسلے میں آئی بی ڈائریکٹر سے مسلسل رابطے میں ہیں۔انہوں نے کہا کہ ہم تمام امکانات کو مدنظر رکھے ہوئے ہیں۔ نتائج عوام کے ساتھ شیئر کیے جائیں گے۔شاہ کا کہنا ہے کہ وہ جائے وقوع اور ہسپتال کا دورہ کریں گے جہاں زخمیوں کو لے جایا گیا ہے۔ امت شاہ نے کہا کہ تمام خصوصی ایجنسیوں کو اس طاقتور دھماکے کی تحقیقات کے لیے تعینات کیا گیا ہے۔ دھماکہ شام 7 بجے کے قریب سبھاش مارگ ٹریفک سگنل پر ایک ہنڈائی i20 میں ہوا۔شاہ نے کہا کہ دہلی کرائم برانچ اور اسپیشل برانچ کی ٹیمیں ابتدائی دس منٹ کے اندر اس مقام پر پہنچ گئیں، اس کے بعد این ایس جی، این آئی اے اور فرانزک سائنس لیبارٹری کی خصوصی یونٹس آئیں۔انہوں نے کہا کہ تحقیقات کے حصے کے طور پر آس پاس کے تمام سی سی ٹی وی فوٹیج کو سکین کرنے کی ہدایات جاری کی گئی ہیں۔وزیر داخلہ نے کہا کہ انہوں نے دہلی کمشنر آف پولیس اور اسپیشل برانچ کے سربراہ سے بات کی ہے، دونوں ہی ابتدائی تحقیقات کی نگرانی کر رہے ہیں۔انہوں نے مزید کہا”ہم ہر زاویے کا جائزہ لے رہے ہیں۔ ایک مکمل تحقیقات جاری ہیں، اور تمام امکانات کا جائزہ لیا جا رہا ہے۔ جلد از جلد نتائج عوام کے ساتھ شیئر کیے جائیں گے،” ۔شاہ نے مزید کہا کہ وہ جلد ہی دھماکے کی جگہ کا دورہ کریں گے اور بعد میں ہسپتال میں زخمیوں سے ملاقات کریں گے۔ ”