پرویز احمد
سرینگر //پچھلے 5ماہ میں پہلی مرتبہ کشمیر صوبے کے 10اضلاع میں کسی کی رپورٹ مثبت نہیں آئی ہے جبکہ جموں صوبے میں 2افراد کو مثبت قرار دیا گیا ہے۔ متاثرین کی مجموعی تعداد 4لاکھ 79ہزار220ہوگئی ہے۔ اس دوران جموں و کشمیر میں مسلسل 22ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 4785بنی ہوئی ہے۔ محکمہ صحت کی جانب سے فراہم کئے گئے اعداد و شمار کے مطابق جموں و کشمیر میں پچھلے 24گھنٹوں کے دوران کورونا وائرس کی تشخیص کیلئے4ہزار593ٹیسٹ کئے گئے جن میں 2افراد کی رپورٹیں مثبت آئی ہیں۔ کشمیر صوبے کے 10اضلاع جن میں سرینگر، بارہمنولہ، بڈگام، پلوامہ، اننت ناگ، کولگام ، بانڈی پورہ، گاندربل، کپوارہ اور شوپیان میں کسی کی رپورٹ مثبت نہیں آئی ہے ۔ کشمیر میں متاثرین کی مجموعی تعداد3لاکھ5ہزار 210ہوگئی ہے۔ کشمیر صوبے میں مسلسل 36ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2433بنی ہوئی ہے۔ جموں صوبے کے9اضلاع جن میں ادھمپور، راجوری، ڈوڈہ، کٹھوعہ، سانبہ،کشتواڑ، پونچھ، رام بن اور ریاسی میں کسی کی رپورٹ مثبت نہیں آئی ہے جبکہ ضلع جموں میں 2افراد کی رپورٹیں مثبت قرار دی گئی ہیں۔ جموں صوبے میں متاثرین کی مجموعی تعداد 1لاکھ 74ہز 10ہوگئی ہیں۔ جموں صوبے میں مسلسل 19ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2352بنی ہوئی ہے۔
