عظمیٰ نیوز سروس
سرینگر// وادی کشمیر میں سردی کی شدت میں روز افزوں اضافے کے ساتھ ہی گرمائی دارلحکومت سرینگر میں رواں سیزن میں پہلی بار شبانہ درجہ حرارت نقطہ انجماد سے نیچے ریکارڈ ہوا ہے ۔موسمیات محکمہ کے مطابق سرینگر میں رواں سیزن کی اب تک کی سرد ترین رات ریکارڈ ہوئی، جب شبانہ درجہ حرارت منفی0.1 ڈگری سینٹی درج کیا گیا۔ پہلگام اور شوپیان سرد ترین علاقے رہے ، دونوں مقامات پر شبانہ درجہ حرارت منفی3.2 ڈگری سینٹی گریڈ ریکارڈ ہوا ۔سرحدی ضلع کپوارہ میں کم سے کم درجہ حرارت منفی1.2 جبکہ قاضی گنڈ میں شبانہ درجہ حرارت منفی0.9 ڈگری سینٹی گریڈ ریکارڈ ہوا ۔سونہ مرگ میں کم سے کم درجہ حرارت منفی2.6 ڈگری سینٹی گریڈ ریکارڈ ہوا جبکہ بارہمولہ اور بانڈی پورہ میں بالترتیب منفی2.8 ڈگری اور منفی2.0 ڈگری سینٹی گریڈ ریکارڈ ہوا ۔وسطی ضلع بڈگام میں کم سے کم درجہ حرارت منفی2.8 ڈگری سینٹی گریڈ جبکہ کوکر ناگ میں منفی 1.4 ڈگری سینٹی گریڈ ریکارڈ ہوا ۔پانپورمیں منفی2.5ڈگری،اونتی پورہ میں منفی1.2،پلوامہ میں منفی0.6 ڈگری، شوپیان میں منفی3.2،کولگام میں منفی 1.2، گاندربل میںمنفی0.5 ڈگری سینٹی گریڈریکارڈکیاگیا۔محکمہ موسمیات کی پیش گوئی کے مطابق وادی میں 16 نومبر تک موسم عام طور پر خشک رہنے کا امکان ہے ۔
