گلمرگ میں 7.5،پہلگام میں9.2،کرگل میں19.2 ،لیہہ میںمنفی15.2 سینٹی گریڈریکارڈ
سرینگر// سری نگر میں رواں سیزن کی ایک اور سرد ترین ریکارڈ ہوئی ہے۔محکمہ موسمیات کے ایک ترجمان کے مطابق سری نگر میں کم سے کم درجہ حرارت منفی6.4 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی5.2 ڈگری سینٹی گریڈ ریکارڈ ہوا تھا۔قبل ازیں سری نگر میں 25 دسمبر کو سیزن کی سرد ترین رات ریکارڈ ہوئی تھی جب کم سے کم درجہ حرارت منفی5.8 ڈگری سینٹی گریڈ ریکارڈ ہوا تھا۔ گلمرگ میں کم سے کم درجہ حرارت منفی7.5 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی8.4 ڈگری سینٹی گریڈ ریکارڈ ہوا تھا۔
وادی کے دوسرے مشہور سیاحتی مقام پہلگام میں کم سے کم درجہ حرارت منفی9.2 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی9.4 ڈگری سینٹی گریڈ ریکارڈ ہوا تھا۔سرحدی ضلع کپوارہ میں کم سے کم درجہ حرارت منفی6.0 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی4.2 ڈگری سینٹی گریڈ ریکارڈ ہوا تھا۔ قصبہ قاضی گنڈ میں کم سے کم درجہ حرارت منفی6.2 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی5.2 ڈگری سینٹی گریڈ ریکارڈ ہوا تھا۔لداخ کے ضلع کرگل میں کم سے کم درجہ حرارت منفی19.2 ڈگری سینٹی گریڈ ریکارڈ کیا گیا جبکہ ضلع لیہہ میں کم سے کم درجہ حرارت منفی15.2 ڈگری سینٹی گریڈ ریکارڈ کیا گیا۔دریں اثنا وادی میں شبانہ درجہ حرارت نقطہ انجماد سے کافی نیچے درج ہونے سے جمعرات کی صبح آبی ذخائر جم گئے تھے شہرہ آفاق جھیل ڈل منجمد ہوا تھا یہاں تک کہ گھروں میں نصب نلوں میں بھی پانی جم گیا تھا جس کے باعث لوگوں کو صبح کے وقت وضو کرنے کے لئے بھی پانی میسر نہیں تھا۔محکمہ موسمیات کے مطابق وادی میں 6 جنوری تک موسم مجموعی طور پر خشک رہنے کا امکان ہے۔انہوں نے کہا کہ بعد ازاں وادی میں موسم ابر آلود رہ سکتا ہے اور اس دوران8 سے10 جنوری تک وادی میں برف باری ہونے کے امکانات ہیں۔
جموں کشمیرمیں5.9شدت کازلزلہ
سرینگر//جموں کشمیرمیں جمعرات کی شام زلزلے کے جھٹکے محسوس کئے گئے ،تاہم کسی جانی یامالی نقصان کی کوئی اطلاع نہیں ہے ۔زلزلہ پیماپراس کی شدت 5.9ریکارڈ کی گئی اورجموں کشمیرمیں یہ 7بجکر 58منٹ کے درمیان ریکارڈ کئے گئے۔زلزلے کے جھٹکوں سے وادی بھر میں خوف وہراس پھیل گیا،تاہم تاحال کسی نقصان کی کوئی اطلاع نہیں ہے۔زلزلہ پیماپر 5.9شدت کے اس بھونچال کی گہرائی200کلومیٹر تھی اوراس کا مرکز ہندوکش خطہ تھا۔زلزلے کے جھٹکے واسی سمیت خطہ پیرپنچال اورچناب میں بھی محسوس کئے گئے۔اس دوران ملک کے کچھ دیگرشمالی حصوں،پاکستان،افغانستان اور تاجکستان میں بھونچال کے جھٹکے محسوس کئے گئے۔
