یو این آئی
وائناڈ// کانگریس کے رکن پارلیمنٹ اور لوک سبھا میں اپوزیشن لیڈر راہل گاندھی نے اتوار کو وائناڈ کی صورتحال پر تشویش کا اظہار کیا اور کہا کہ وائناڈ آہستہ آہستہ معمول کی طرف گامزن ہے۔سوشل میڈیا پلیٹ فارم ایکس پر ایک ویڈیو شیئر کیا گیا جس میں راہل گاندھی وائناڈ کے لوگوں سے بات چیت کرتے نظر آ رہے ہیں۔ اس ویڈیو میں راہل گاندھی لوگوں سے پوچھتے ہوئے نظر آ رہے ہیں کہ وائناڈ میں لینڈ سلائیڈنگ کے بعد کیا صورتحال ہے اور بچا کا کام کیسے چل رہا ہے؟ وہ لوگوں کو غور سے سنتے اور ان کے خدشات کو سمجھتے ہوئے نظر آتے ہیں۔ اس ویڈیو کے ذریعے راہل گاندھی وائناڈ کے لوگوں کے ساتھ اپنی یکجہتی اور ہمدردی کا اظہار کر رہے ہیں۔راہل گاندھی نے کہا کہ لینڈ سلائیڈنگ کے بعد تمام طبقات اور تنظیموں کو امدادی کاموں میں تعاون کرتے ہوئے دیکھنا بہت حوصلہ افزا ہے۔ یہ وہ وقت ہے جب لوگ اکٹھے ہوئے ہیں اور وائناڈ کے لوگوں کی مدد کے لیے کام کر رہے ہیں۔ اس کے ساتھ ہی انہوں نے دعوی کیا کہ وائناڈ جلد ہی اپنی قدرتی خوبصورتی کے ساتھ ہندوستان اور دنیا بھر کے سیاحوں کا استقبال کرنے کے لیے تیار ہو جائے گا۔راہل گاندھی نے لکھا، وائناڈ لینڈ سلائیڈنگ سے ہونے والی تباہی سے آہستہ آہستہ ابر ہو رہا ہے۔ تاہم ابھی بہت کچھ کرنا باقی ہے، لیکن تمام برادریوں اور تنظیموں کے لوگوں کو امدادی سرگرمیوں میں اکٹھا ہوتے دیکھنا حوصلہ افزا ہے۔ ایک اہم پہلو پر روشنی ڈالنا چاہتا ہوں، جو وائناڈ کے لوگوں کافی مدد کرے گا اور وہ ہے سیاحت۔ بارشیں رکنے کے بعد یہ ضروری ہے کہ ہم اس خطے میں سیاحت کو بحال کریں اور لوگوں کو یہاں آنے کی دعوت دینے کے لیے اقدام کریں۔انہوں نے کہا، یہ بات ملحوظ خاطر رکھنا ضروری ہے کہ لینڈ سلائیڈنگ صرف وائناڈ کے ایک مخصوص علاقے تک محدود تھی نہ کہ پورے علاقے تک۔ وائناڈ ایک شاندار جگہ ہے اور جلد ہی اپنے قدرتی پرکشش مقامات کے ساتھ ہندوستان اور دنیا بھر کے سیاحوں کا استقبال کرنے کے لیے تیار ہو جائے گا۔ جیسا کہ ہم نے ماضی میں کیا ہے، آئیے ایک بار پھر خوبصورت وائناڈ میں اپنے بھائیوں اور بہنوں کی حمایت کرنے کے لیے یکجا ہوں۔
