نوٹ کی منسوخی، جی ایس ٹی سمیت اقتصادی اصلاحات کے سخت فیصلوں کے باوجود معیشت صحیح سمت میں :مودی

 

گھوگھا / دہیک (گجرات)// وزیر اعظم نریندر مودی نے آج دعوی کیا کہ نوٹ کی منسوخی اور جی ایس ٹی سمیت اقتصادی اصلاحات اور کڑے فیصلوں کے باوجود ملک کی معیشت درست سمت میں بڑھ رہی ہے ۔ مسٹر مودی نے آج اپنے آبائی صوبہ گجرات کے ضلع بھاونگر کے گھوگھا میں کھنبھات کی خلیج کے سمندری راستے والے گھوگھا-دھیج رو رو فیری سروس کی شروعات کے بعد اسی کے ذریعے معذوربچوں کے ساتھ ایک گھنٹے سے زیادہ کے سمندری سفر کرکے ضلع بھروچ کے دہیج پہنچنے پر اپنے خطاب میں کہا کہ تمام اصلاحات اور کڑے فیصلوں کے باوجود ملک کی معیشت درست سمت میں بڑھ رہی ہے ۔ کوئلہ، بجلی وغیرہ کی مصنوعات میں اضافہ ہوا ہے ۔ غیر ملکی سرمایہ کاری بڑھی ہے اور غیر ملکی کرنسی کا ذخیرہ بھی 30 ہزار کروڑ ڈالر سے بڑھ کر 40 ہزار کروڑ ڈالر ہو گیا ہے ۔ غیر ملکی ماہرین کو یقین ہے کہ ہماری معیشت کی بنیادی چیزیں مضبوط ہیں۔  انہوں نے کہا کہ حکومت ملک میں نئے ورک کلچرکو فروغ دے رہی ہے جس میں احتساب اور شفافیت ہے ۔ اس وجہ سے یہ منصوبہ تیزی سے کام کر رہا ہے ۔ دوگنی رفتارسے سڑکوں اور ریلوے ہورہا ہے ۔ اسی کی وہجہ سے پاسپورٹ، گیس سلنڈر وغیرہ کے لئے آسانی سے دستیاب ہے ۔ ٹیکنالوجی کی مدد سے ، غریب اور درمیانی طبقے کو ان کا حق دیا جا رہا ہے ۔نوٹ کی منسوخی کی وجہ سے دولت تجوری سے نکل کر بینک میں جمع ہوگئی ۔ اسی طرح نئی کاروباری کلچر جی ایس ٹی کے ساتھ شروع کیا ہے ۔ اس کے بعد غیر بالواسطہ ٹیکس سسٹم سے 27 لاکھ نئے افراد منسلک ہوئے ہیں۔ مسٹر مودی نے ملک میں ترقی کے لئے بندرگاہ کی ترقی کی پی فار پی یعنی پورٹ فار پراسپیرٹي کا نعرہ دیتے ہوئے کہا کہ سیکڑوں سال سے شیپنگ میں برتری رکھنے والا ہندوستان اس معاملے میں پچھڑ گیا تھا۔ انہوں نے کہا کہ اکیلے بندرگاہ ترقی کی ساگرمالا منصوبے کے ذریعے ایک کروڑ روزگار کے مواقع پیدا ہوں گے ۔ 2035 کی ضروریات کو ذہن میں رکھ کر، 400 منصوبوں میں 8 لاکھ کروڑ روپے کی سرمایہ کاری ہونی ہے ۔ مسٹر مودی نے کہا کہ آزادی کے اتنے سال بعد بھی ملک میں صرف پانچ قومی آبی شاہراہ ہیں۔ اب بھی 55 فیصد نقل و حمل سڑک، 35 فیصد ریلوے اور صرف پانچ سے چھ فیصد آبی گزرگاہوں کے ذریعے ہوتا ہے ۔ اب حکومت 106 نئے واٹر ویز پر کام کر رہی ہے ۔ یہ 18 فیصد کے مقابلے میں کم ہوکر نصف رہ جائے گا ۔ آبی گزرگاہ ریلوے اور سڑک کے ذریعہ نقل و حمل کے مقابلے میں سستا ہے ۔ملک میں 7500 کلومیٹر طویل سمندری حدود اور طویل دریاؤں کا جال بچھا کرپچھلی حکومتوں نے کیوں نہیں استعمال کیا یہ سمجھ سے باہر ھے ۔  اس سے پہلے انہوں نے گھوگھا میں کہا کہ نئی رو رو فیری سروس توسیع ممبئی تک کیا جا سکتی ہے ۔ ریاستی حکومت کچھ کی خلیج میں جام نگر اور کچھ کے درمیان اسی طرح کی منصوبہ بندی پر کام کر رہی ہے ۔ انہوں نے کہا کہ یہ سروس سوراشٹر اور جنوبی گجرات کے درمیان نہ صرف فاصلے گھٹائے گي بلکہ دونوں مقامات کے لوگوں کو اور قریب لایے گی۔یو این آئی