محمد بشارت
کوٹرنکہ//ضلع راجوری کی دور افتادہ تحصیل خواص کی پنچایت حلقہ نارلہ کی وارڈ نمبر ایک کا ٹرانسفارمر خراب ہونے کی وجہ سے مقامی آبادی شام ہوتے ہی گھپ اندھیرے میں ڈوب جاتی ہے۔ شبیر احمد جاگل نامی سماجی کارکن نے بتایا کہ 10دنوں سے بجلی ٹرانسفارمر خراب ہوا ہے لیکن ابھی تک بجلی محکمہ کی جانب سے نہ تو بجلی ٹرانسفارمر کی مرمت کی گئی نہ نیا ٹرانسفارمر لگایا گیا۔شبیر احمد نے کہا کہ بجلی کے اعلیٰ آفیسران نہ تو فون اٹھاتے ہیں اور نہ ہی عوام کی بات کو سننے کو تیار ہیں۔ انہوں نے کہا کہ ہر ماہ بجلی کے بلوں کی ادائیگی بھی کی جاتی ہے۔انہوں نے ضلع ترقیاتی کمشنر راجوری سے مطالبہ کیاکہ لوگوں کی مشکلات کو مد نظر رکھتے ہوے محکمہ بجلی کے آفیسران و فیلڈ ملازمین کو بھی متحرک کیا جائے تا کہ لوگوں کی مشکلات کا ازالہ ہوسکے۔
